سلا111111111111111م
تكفوون كملوا الموضوع ع اخر
قدر الله على ورحت انا وميشوو لبنان لآستمتعاع بالشاورما على راحتنا..
بدون ما يمر من قدامنا الهنود
وأنطلقنا مصحوبين بالسلامه الى مطار بيروت على متن رحلة السعوديه رقم 22222 وتاريخ 1/2/14وكم سنه
ولما نزلنا المطار وكنا في غاية اناقتنا وكشختنا المتمثله
في ترنق أخضر مخطط بأبيض من الجنب وجزمه بيضا وقميص مرسوم عليه نخله غبرا ولابس نظارات حقت سباحه علشان الشمس وميشو شورت قصير اللون برتقالي << اخس وقميص اخضر على مربعات احق الهنود من ابو عشره وجوتي رياضه ام لزقه .
ونزلنا المطار وأنا أسحب الشنطه الحديد السمسونايت أم قفل وميشو شنطه كتف متقطعه من الجوانب شكله وارثها .
وكانت مليانه ببسكوت أبو ولد وحليب السعوديه وميشوو جايب معه اندومي يقول مسوي رجيم الدب
ومجموعة عطور أشترينها من عند باب المسجد من هندي حلف بالله انهم مسوين تصفيه أبو 100 ريال بعشره مدري كيف تجي هذي ؟ واللي جذبننا للعطر أبتسامة الهندي المصحوبه باللون البني <<< والله من شين الوجه
وأنطلقنا مره ثانيه الى الفندق مع واحد لبناني يوقف على شنبه تيس كامل
قال عاوين خيو؟
قلت له ابغى بيتنا بالظيعه يعني وين بتوديني ودني فندق.
قال مو على راسي ....
قلت ميشو وش نبي براسك نبي سيارتك
قال من وين خيوو ؟
قلت انا من فرنسا بس جاي أسلم على أخوالي ....
ميشو يقولي عندك خوال هنا قلت اسكت بس خليني اتفاهم معه
قال يا أهلا وسهلا بالفرنساويين كلياتون....
*1 <----- وجهي صار كذا
قلت له صدقت اني فرنسي لعنبوا غيرك هذا شكل فرنسي
ولا هذا الي جنبي شكله فرنسي
انا قلت يمكن انه يحسبني فرنسي علشان كشختي
بس ميشو ياحسره لابس شورت ومبينه اركبه السود
قلت من السعوديه ؟؟
وشوي ألا هو مسك فرامل ما رجع وجهي ألا من القزازه ...
وميشو تكرفس (( طاح )) عند ارجونا !!
قال شو باك ..؟
قلت لا ولا شي بس وش رايك في الحركه
قال اتفزل هونيك الفندء (يعني ظف وجهك هذا الفندق)
قمت باسوي أتيكيت ودخلت ايدي في جيبي وسحبت له 5 ريال وبدون ما يشوفها حطيتها في ايده وانا ابتسم ابتسامه يعني خل الباقي علشانك ....
وميشوو يقول ولله ماتدفع المره هذي علي .........
ويوم شافها البناني طلع محفظته وحط معها 10 دولار وقال خذو هذي وفكوني من شركم
المهم في الليل ودنا نشيش ....
سألت واحد لو سمحت وين الصناعيه عندكم ؟
قال الصناعيي <---- هونيك
تعا تاوصلك <--- يعني والله ان اوصلك ....
ويوم ركبنا معه قال شو بدكم بالصناعيي شو بها لسيارتكم
قلت لا والله السياره مابها الا العافيه بس ودنا نشيش
مسك فرامل مارجع وجهي الا من عند المكينه ....
وميشو جبهته الزقت بالقزازه القداميه
قلت وش رايك بالحركه هذي
قال بدك تشيش بالصناعيي ؟؟؟؟
قلت ايه وش فيها ؟
قال بدك تنئطني ...؟
قلت وانا من يوم جيت مالي شغله الا أنئطّ ماني منئطك والله لو تموت
وبدون سابق انذار ما لقيت نفسي الا وانا متكرفس على الرصيف .. وميشو معي
قمت انفظ الغبار والناس يطالعون في وانا اقول وش رياكم بالله بذي الحركه اقولها وانا ماشي أعرج كسروني لعنبوهم .... وميشوو يقول والله الي راحت الكشخه <<< امحق كشخه
انا أحسب القهاوي حقتهم زينا ورا الصناعيه أثرها عندهم على البحر الله
لا يوفقهم .....
واليوم الثاني قررننا ننول نتمشا على البيتش ولو اني كنت خايف
من شركات الازياء لا ينشبوني يبغون عقود على شان البس ملابسهم ..
<---- ماخذ مقلب جاااااامد
وبرضه كنت خايف لاحد يجي ميشوو يقول تعال نصورك في فيديو كليب مع باسكال وميشوو بالذات ذي المودميه حالف انه ما يصور معها لو تموت
قلت الله يستر انا جايين نبغى نتمشى ونستجم <---- انا كاتب الموضوع علشان أستخدم الكلمه ذي
وخايف ينغصون علي .....
المهم كنت لابس شورت رمادي .. هو ماهوب رمادي هو أصلا اسود بس
غلطت وغسلته بكلوركس طلع رمادي
وميشوو باقي عليه الشورت البرتقالي مانزله <<<< شكله ماعنده الى هو
ومع هذا الشورت فنيله علاقي وطبعا حاط على راسي كاب أخضر ....
*3 <----- قوس قزح
ميشووو مو فاضحه بسكت مو قايل وش الفانيله الي لابس
لقيت كرسي فاضي جلست عليه وبجنبي صديق الرحله ميشوو وحطيت الكاب حقي قدامي وميشو يطالع بالمناظر الخلابه <<< ماشاف خير مادري وين موديه معي ....
وخذيت لي غفوه مع ذيك النسمات الرائعه والاشكال الغير رائعه :
ويوم صحيت لقت الكاب حقي مليان هلل
وميشووو لقيته ماخذ حمام شمسي <<<<<<<<< وش عرفكم
أثرهم يحسبوني شحاذ
وسلامتكم
<<<<<<<<<< لاتصدقووونه
تحياتي
زود الغلا
العرض الشجري
