بالسلامة قوم ياعزّ الشعب
مَدْ أيادينه الشعب ناجى الآلهْ
قام يدعو وهْمَلْ الدمع ابدعاهْ
ربي ابعد عن ملكنا كلّ آهاهْ
والبسه يارب أثواب الشفا
يا إلهي هذا عبدالله العطوفْ
مَنْ حَمَى شعبه وبَعَدْ عنّه الصُروفْ
هذا شعبه اليوم في حبّه شغوف
من سمع آهةْ مليكه ماغفا
ياملكنا مايقرعينه الوطنْ
وأَنْتَه عن بعيد مايهنا الوَسَنْ
نبض قلبك طَيّبْ أيام الزَمَنْ
كلّنا نفداك يانبع الدِّفا
يا مطر وقّفْ ولا تذرفْ دموعْ
وانتظر يرجعْ ملكنا للربوعْ
واهطل الدمعات من فرحة رجوعْ
يوم يرجع كلنا بدمعة وفا
يرتقب ورد الخزامى رجعتك
كل سنة بك يحتفل في طلّتكْ
مايفوح بطِيبْ إلاّ بجِيّتكْ
ما يطيق فراق منك والجفا
ياطيور السعد للوالي ارحلي
وانشري ريح الوطن فوق الولي
وبسملي صلّي وجنبه هلّلي
واطلبي من الله يعجّل له الشفا
الإبراهيمي
السعودية
سيهات
العرض الشجري
