هذه القصيده وليدة الامس واتمنى ان تنال اعجابكم الهوا مايروف بمن سبح في بحوره=والرجا يصدق بمره ومره يخيبي ومايفيد الخيال اللي رسم فيه صوره=ولايقرب بعيد ولايبعد قريبي والقمر لو بهر الانظار من حسن نوره=مرتبط بالظلام المدلهم الكئيبي ومن يصوت لنا فالحب نبرة غروره=كيف يلقى مشاعر في خفوقي تجيبي كنت ابكي عيوني لجل ساعة سروره=كل ماطاب جوه شفت جوي يطيبي اشفق بساعة غيابه وحزة حضوره=ودي اصيح فرحه شفت طلة حبيبي وان غلط مانهرته مابغي اجرح شعوره=لو ضميري من الزله مريض وصويبي ماعرفت النجوم اللي غشاها بنوره=يكفي شعاعه بعيني وغيره يغيبي كل ماغض طرفي بان بالحلم دوره=بس في الحلم داوا جرح حبن عطيبي ابتديبه غرامن حي ينهى فتوره=ويبتدي قطاع وصدته تنتهيبي دام خلي نوى الهجران واغواه شوره=ووضعي ووضعه بتالي الليالي مريبي لايلوم الحشا لاصار داخله ثوره=ولا بقاء له بريضان المشاعر نصيبي واصبحت نار عشقه من جفاه مغموره=والغلا مال وانحى يم درب المغيبي يمكن اليا كثر بعده وزادت شهوره= ومره احساس ذكرى فالزمان العجيبي يتذكر حبيبن كان باول عصوره= كان يسكن خفوقه مير قدهو غريبي اه لو جاء بعد ماصار وانوى مروره=خوفي اليا زهم الاشواق له تستجيبي فالهوا مايروف بمن سكن في بحوره=والرجاء لو كذب مره فمره يصيبي
هذا النَّصْ يستحقّ الوقوف مراراً وَ تكراراً يا خَآلِدْ مَسَآؤُكَ الدفءِ العابِث بالأوردَة صَحّ لسَآنَك
اقتباس المشاركة الأصلية كتبت بواسطة ثَرْثَرَة غَ ـيْمَه~ هذا النَّصْ يستحقّ الوقوف مراراً وَ تكراراً يا خَآلِدْ مَسَآؤُكَ الدفءِ العابِث بالأوردَة صَحّ لسَآنَك ثرثرة غيمه اشكرك على مرورك واطراءك يعطيك العافيه وصح بدنك
صح لسانك ياخالد ,,, قصيده مُشبِعه جدّاً ..الله لايهينك .. تقبل تواضع مروري .. دمت بحفظ الكريم
اقتباس المشاركة الأصلية كتبت بواسطة مــــــدى صح لسانك ياخالد ,,, قصيده مُشبِعه جدّاً ..الله لايهينك .. تقبل تواضع مروري .. دمت بحفظ الكريم صح بدنك وقايل مايهون مرورك يشرفني ويعطيك العافيه
ماشاء الله عليك جنان هل قصيده تقبل مروري واحترامي ....
العرض المتطور
