:d030:تعالي ياهجوسي به جديدن قد طرا بالبال=تعالي بشرح الموضوع وانتي لي تقولينه
بعد يامرحبا واهلين كيف الحال طاب الحال=وهرجن نحفظه من دون توثيقه وتدوينه
على نور القمر بسري لو ان غيري شعاه هلال=ويفخر في قليل الفود لو حاشته يديـــــنه
شوي شوي يالي سقتني بالهرج والعذال=وانا بقنعك وافهمك بلي صار من حـــينه
اصد امن العرب واقفي مخافة عالمنن جهال=احفظ القول ملي ماعرف سره وتبيينـــه
ثمان اسنين مابين الهموم الحل والترحال=بصبر وعزم لو ثمن يفوق الوصف تثمينه
معا حظن بوقت الخير شفته لاحقه الامحال=وانا كنت اتوقع منه يدخلني بساتينه
لو اغني من الاشعار موال ورى مـــــــــوال=ماغير شعري بوقتي ولارجح موازينــه
يعنني الزمن واكتب بيوت الشعر والامثال=على كثر العنا ماخلي الهاجس ولا اهينـــه
يجاوبني على صوت الندا ويشوشه الهوبال=وتقبل خيرة اذواده على صوتي ملبيــــــنه
على عكف الشذب شقيت دربي واعتليت جبال=زرعت برملة الرمضا جنيت الخوخ والتينه
سبحت البحر متحرص وشفت الموج والاهوال=الين اني عرفت بخافي اسراره وتكويــــــنه
اصوغ الدر في عقد المعاني والنقوش جـــــزال=عليها للحرافه ختم ما تجهل قوانينه
اصخر شاردات الخيل ما تجمح وانا الخيال=تشرفني بتقييم الشعر لاجت مزايينـــــــــه
وردت العد صفيت المشارب وارتويت زلال=ولا عاينت للي بالشوايب دوم سانيـــــــــنه
ماهو بغرور لاكن عارفن بالوضع والاحـــوال=وضح ممشاي في دربن معي كم شخص ماشينه
ياكم من نجم شعشع في السما نوره علينا ضال=لا بالله ماهي انواره نجــــــــوم بنورها تعينه
وياكم بوم عين له معا صقر الهدد مدهال=يجيه الصيد بشفوفه ولاحرك جناحـــــــينه
صحيح الوقت لاما مال يتعب مااشينه لامال=ولكن مانعدل ميلته نصبر على شيـــــــــــــنه
عسى برق الامل بشعل بجو الوقت كنه اللال=ويضحك خاطر الضايق بعد عقد حجاجيـــــنه
العرض الشجري
