مدّيت كف القصيد لخاطر احزاني
وان صافحه هم ولاّ دمع يعذرنـي
الهاجس اللي ثلاث شهور ماجانـي
امّا سهرته وجع مابيـه يسهرنـي
امّـا كتبتـه وعنّيتـه وعنّـانـي
ولاّ عساي اقبـره قـدّام يقبرنـي
لاصار شعري وهو شعري تناساني
بالله منهو ليامن ضقـت يذكرنـي؟
القلب مسلم لكـنّ الحـظ علمانـي
والوضع كلّه على بعضه محيّرنـي
ليت الفرح ينرسم ياعلبـة الوانـي
كان ارسمه فالمدى عينٍٍ تناظرنـي
ياليل شف طيب قلبي وين ودّانـي
لدروب ناسٍ على الفرحه تكاثرني
ياكثر ماحاولوا تكسيـر جنحانـي
تقصر يديهم ولا تقـدر تكسّرنـي
اليوم علّـم علـيّ فـلان وفلانـي
كثر التجارب ودرس الوقت غيّرني
وجروحي اللي تدورنـي وتلقانـي
سلّـم عليها..وامانـه لا تدوّرنـي
بندر السميري
العرض الشجري
