لحظة ارتباك
افتح الشباك
واقطف غصون الشمس .. وناد للفيه
اسكب عيونك ضماء ... تلقاني هنيه
ارفع جفونك فووق
طفل في آخر مدى للشمس يمشي
وهذا رمشي .... شوف وش باقي منه
لو فرضنا كان صبح وما لمحته
لو فرضنا كان ليل ومااسترحته
لو فرضنا كان قبر كان صبر كان حبر
وأنت يبدينك مسحته
وش هو عذرك !!
افتـــح الشباك ... شوف من هو اللي نساك
صدقني الدنيا سعه
واللي اكبـــر من وجودي
هالشتات اللي معه
وانت واقف .....
ياخي اصرخ
ذبلت عيوني بصمتك ( وانت ساكت )
قول لو ودك تقول اني غبي
وافتـــح لطيرك مكان
وأتخيل إني كنت أبي
هالريش يصبح لك لسان .... إنسان
وش هو عذرك !
هذا مكانك زيف
وثلوج وسط الصيف
وكلمـــة وحده
لو الامل سافر
باكر يعود الضيف
من متى والعمر ضيق
والعدو مثل الرفيق
من متى والريح تنثر
في ملامحنا بريق
افتـــح الشباك
أطفال عمرك تنادي
يابلادي ....
باكر تجيك الشمس ..( من أمس )
وتسكن بناري غياب
وتفتح الباب
وتطيح فوق الريح .... ريشه
تشتالك الغربة وتطير
وتشوف صورة هالظلام
مطرود
مطرود من أول جفن
مطرود من آخر جفن
ومن بعد ماتبكي عليه
تجمــــع شــ ــتاتـــ ـــي
وتجمع مع أفكاري بناتي
وتفتح الباب
هالرصيف سكه بليا جرح
وهالطريق ناعس بجوعه
وهذا الشفق مسكين
يحلم يلاقي رجــوعه
والباب ذا مفتوح
و به طفل يحضن فرحته بالنور
مسرور
يصارعه موته
يسابقه صوته
بالله قطعت رغيف ... ويديه معفوته
بالله ياعمي فتات .... من اللي تشوته
واللي أقسى من معاند هالشوارع
الشوارع ماتلين
تبقى مجرد رماد
افتـــح الشباك.....
هالشارع إحساسي
وهالمدينه اللي يلبسها الظلام
كانت ثيابي
ومن عطرها اللي غربته فاحت
ارتاحت أعصابي
تبغى تعرف وش مسافات الجروح ...( الروح )
وقفص صدري
وهالخيال اللي سكبته جود
وهالامل اللي يسافر مايعود
وهالوعود !!
تبغى تعرف وش يخنق الانفاس ....( هالناس )
ماهو مجرد اكسجين
ولا دموع على حكايات السجين
ولا قيود بيدين عانس
تبغى تعرف وش يعني الجوع .....( الرجوع )
وانك تدورني وتضيع ..... وتلقاني البارح
وابقى مجرد لهب ... وانته الملامـــح
افتـــح الشباك
هالزوايا من صباح الله تنادي.......
يابلادي ......
باكر تغيب الشمس ...( من امس )
وتسكن بقلبي غياب
وتبني وطن
مهدوم من كل الجهات
مطرود من كل الجسد ... الا الحياة
موجود لكنه محال
طيب تعال ...
افتح الشباك ...... شوف من هو اللي نساك
وأسدل ستار الليل
ونـــام
يمكن تصحى في متاهات العناكب ... عنكبوت
تقطع جذور التوت .... وتموت
وتسقط من عيونك ورق
تشبه للحظات الأرق
يمكن تصحى في غياهب هالزمان.... مجنون
يمر في كل العنابر ... بسم عاقل
يمكن تصحى وانت ماعندك مشاكل
يمكن تصحى في غرابيل الاذابه....
شمع ذايب .... توقد اصابيعك سهر
ومابين حد الانحدار ... والاستقامة
جدار
يفصل معالم هالجسد والروح ... وتروح
يمكن تصحى في وقت خارج عن نطاق الساعه
للحب لا ... للطاعة
هذا مجرد احتمال
طيب تعال
افتح الشباك ...
اليوم لحظة ارتباك
كل الزمن مقلوب .... حتى قلبي
أكرهك وآنا احبك
امدحك وآنا اسبك
مليت من هذا التضاد
شفني احكي لك حكاية حالمة
عن طفل ضيع عالمه
شفني ارمي لك بقلبي
وانت وحدك ظالمه
شفني بقايا كسل ... في قوت شايب
تفتر عظامه فتور
ينبش بصدره قبور
وحلمه اكبر من سنينه
شفني فراشة حـــزينه
شفني وانا اعمى .... واشوف
شفني هنا
بين الورق بين الحروف
( بقلمـــــــــــــــي )
مصافحة اولى ( لحظة ارتباك )
العرض الشجري
