مكياج وصبغه وكحل وتحمير خدود

[فـــــ@ـــــد]

لاتغترين بجمالـك وشعـرك المكـدود
وتمشين قـدام عينـي مشيـة الخيـل

أنا ما ذبحني فيك الا عيونـك السـود
والا ابتسامتك يابنـت كذبـة ابريـل

جمالك عادي مـا هـو بـذاك الـزود
وكل الحلا اللي في وجهك كذب وتمثيل

مكياج وصبغه وكحل وتحمير خـدود
ممكن امسحهـن انـا بقطعـة منديـل

شفايف منفوخه وخصر حيل مشـدود
كل جسمك شد وعمليـات تجميـل

جمال البنت في عقلها وهـذا المقصـود
العقـل زينـه وجـاذب للرجاجيـل

والخجل عقد في جيد البنـت معقـود
يبهـر الناظـر بـدون اي تعلـيـل

العقل والخجل دون البنت لهـا جنـود
يحمونها مـن غـدر ايـام(ن) مقابيـل