قمه القهر-قمه الوناسه (للبنات فقط)!!
قمة القهر
انتس تكونين واقفه بطابور طول قريح واذا جا دورتس جت واحده مؤدبه وسفطت قدامتس
---------------------------
قمة الوناسة
اذا تليتها مع علباتها وقلتيلها طابور يالأخت (امسكي السرا)0
------------------------
قمة القهر
اذا وقفت تحاسبين ووراتس حرمة ماسكة عربية كبر بيتهم ومافيها الا قارورة شامبو وبزرها وكل شوي مصبختتس بالعربيه
-----------------------------------------
قمة الوناسة
اذا طلعت الحرمة من السوبر ماركت وبزخت هي وولدها بالدحديره
-------------------------------------------
قمة القهر
اذا رحتوا لعزيمة وجا مليقيفه وواقت بوجهتس وقال (جيتوا) بكل غباااااااااااااااااااء
---------------------------------------------
قمة الوناسة
امشي بطريقي وأسلّم على الحاضرين بدون ماارد عليها
-------------------------------------------
قمة القهر
اذا قام اخوتس الصغير يون (يصيح) آخر الليل يبي غرض من المكتبة والدنيا مصكصكة لمباتها
-------------------------------------------
قمة الوناسة
تمسكين أخوتس وتدبجينه وتدعسينه بالفراش وتهبدين البطانية فوق دماغة وتقولين له ماهنا مكاتب ليش ماقلت لنا من بدري
-------------------------------------------
قمة القهر
انتس تتوهقين وتصبين لضيفة ماتروى من القهوة
-----------------------------------------
قمة الوناسة
انتس تتسمرين بمكانتس وتصبين لها (الحثال) ولا تزينين قهوه ثانيه
.........................................
قمة القهر
انتس تكونين بعزيمة وكاشخة بعمرتس ويجي بزر ويملط عليتس عسكريم وامة تشوفة ولا تقول شي
----------------------------------------
قمة الوناسة
اذا صدّت امة تمرسينه(تقبصينة) وهو يفحّط من الصياح وامة ماتدري وش به
--------------------------------------------------
قمة القهر
انّتس تقومين من النوم وفيه ثلاث مكالمات لم يرد عليها جديدة ويضيق خلقتس تحسبين فيه شي وتدقين عليها وتخش بعيننتس وتقول ما دقيت عليتس
-----------------------------------
قمة الوناسة
انتس تدقين دقه عليها همّن تدق هي علييتس عشان تكون الصرفيه عليها وتهكين عليها بقرق ما لأمة داعي ..
.................................................. .
قمة القهر
انتس تعبين عمرتس بموضوع لتس كم يوم تكتبينه وتمخمخين فيه ولا تلقين عليه ردود وقليل زواّرة
-------------------------------------------
قمة الوناسة
اذا كتبت اي كلام على الطاير ماتدرين عن عمرتس الى موضوعتس ناقز للمواضيع اللي في الصفحه الأولى ..
------------------------------------------------------------------
[poet font="Courier,4,blue,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=gray,offx=4,offy=4) glow(color=red,strength=5)"]
تقبلوا تحياتي...
عاشق البنات..
باي.
[/poet]
العرض الشجري
