وينك يابو قلبـ ن خلي يابو التباشير
أسأل عليك الوقت ماألقأ إفاده
حولك دعاني الهم وأيضآ التفاكير
وليلــ ن سريته باالعنى مع سهاده
أسأل عن الأخبار وأطوي مشاوير
وأقول ياليل العنى بالله ناده
ماهوب ياليل العنى يحتاج تفسير
للي غيابه طال وأبطا بعاده
ياليل مافكر وجاني بمعاذير
يمكن مع الأعذار يحفظ وداده
لاكن غيابه طال ماعاد به تأخير
والعاشق الولهان أسرج جواده
والشجره اللي تضل المسايير
ماتت من الفرقأ ورعتها الجراده
عليك أسلم كل ماأزهر نواوير
وعلى الغدر بهديك عقد وقلاده
وأذكرك بالعشق وأحلا المقادير
وعمرن مضى مابين ضحك وإراده
أيام كنا إثنين وأحلامنا غير
أيام فيها الحب ياخذ مداده
وذيك العهود اللي يرفرف بها الطير
ما واحدن يبعد ويرخص مراده
واليوم ياليل الشقى ماعاد به خير
ساقت مطيتها على غير عاده
وش عاد أنا أرجي غير هم وتعازير
راح الحبيب اللي ذبحني عناده
واليوم غير أمس تصبح على خير
من باعني برخيص بطوي بعاده
ودرب الهوى ماعاد يحلالي به السير
باأعيش راحة بال وأهنى بوساده
وأنا لي الله والدلال المباهير
وأبيات شعرن كل يوم بزياده
وأعذرني لا أخطيت أو جاك تقصير
وياعلك تلاقي في غيري سعاده
واليوم قلبك خلي ولا لك معاذير
ولا ردك الوقت ماأبغأ إفاده
بقلم وقلب / إحســـاااس شـــاااعـر
00 قلبك خلي ولا لك معااذير 00
العرض الشجري
