هــجــانــة
هجانـة الدنيـا وانـا دوم هجـان=ماشي على كيف الزمـان واطيعـة
مرات فالثقبة ومـره فـي جيـزان=وإليا طرالي رحـت وزرت الوديعـة
هذي حياتي سقتهـا كيـف ماكـان=إمـا شريـت الـعـز والا ابيـعـة
مارخيه راسي لو تقولـون غلطـان=ماهي عناد وكبـر هـذي الطبيعـة
ماهمني مكسب ولو كنـت خسـران=همي اعيش بنفـس دايـم رفيعـة
وابعد عن المخطي وعن كل شيطان=ماشي بدستـور الكتـاب وشريعـة
من عفته نفسه عن الناس كسبـان=لوهو فقيـر الحـال جـا فالطليعـة
عايش ستير الحال ماجـوه بلسـان=محـد ٍ لقابـه شـي وروّح يذيعـه
هذا زمـان ٍفيـه اشكـال والـوان=وش تحصي يالمخلوق فوق الوسيعة
انته تعيش وسرت فالارض انسـان=يا خلي كل الشـي او خـذ جميعـه
العرض الشجري
