يــمّــه

[الطلحي2000]

[IMG]

[/IMG]

يمّه أببكي عــنــد قبــرك وأنــــاديك= ياليت يـاكــل الـغـلا تسـمعيني
يمّه عــيوني طـــول الأيـــــام تبكيك= حرقه ألم واحزان يانور عيني
فرقاك صعب وصادق القلب يطريك= لالا تلومي كـان زدت الحنيني
نـظــرتك تشــفيني ولمســة أيـــاديك= لاواحســـافه وين ذيك السنيني
وين الحــنــان اللـي بقلبك يـــبــاريك= أنـــا اليتيم وربــي اللــي يعيني
البيت عـقـبك ياهـــوى الــبــال ينعيك= وانــا أدوّر في الشـمال ويميني
يمّه فـقـدت الصـــــوت ماعاد اوحيك= صابر وربي يجزي الصابريني
يمّه رحــــل قلبي يــتــابع خطـــاويك= رحـلت وإحـنـا يالغلا راحليني
يالله ياللــــي كــــل الأمّــــات ترجيك= ياحـي ياقــيّـــوم دنــيــا وديني
أدعـيـك يــاربــي واحـط الرجــا فيك= تكــتب لـهــا في جنتك جنتيني
وعــوّض عـلينا يامغـيث الــمـهــاليك= يامـنزل الإســراء والمؤمنيني
وصـــلاة ربي حـــق من دون تشكيك= على محمد ســيّد الـمـرسليني