( ياشوق عجـّل ماتفيد الكتابه .. الأرض تنـدى والمعاليق تبــتل )) new
بسم الله الرحمن الرحيم
والسلام عليكم والرحمه والأكرام
قصيده من الطاروق الجميــل جدا لعلها ترضي من يتصفحها
(( المعاليق تبتل ))
ياشوق عجّل ماتفيد الكتابه = الأرض تندى والمعاليق تبتل
ياشوق ماتنفعك لحون الربابه = وكل القصايد في مناداك تختل
أنا الوحيد اللي شكى من كئابه = متململ بهمه وبالأحزان منغل
مالي عشير بوقت قاسي عذابه = والوقت غير الوقت والناس تنمل
ماشوف غير عيون فيها غرابه = وفيها تسائل مالقينا له علل
ياشوق مذكر فيك ذرة صلابه = برق المشاعر والأحاسيس تحتل
ماخذ مكانك مثل باقي القرابه = ويمكن بعد أقرب لا جيت من خل
ياشوق قلبي مالقى له إجابه = من غيبتك ياشوق والحال منسل
كني كسير يشتكي من صوابه = مرمي لحاله في صحاريه مادل
هذا صياح القلب وهذا خطابه = للشوق مضمونه على الشوق مرسل
العرض العادي
