حبيبتي .. هاك قلبي وشوفي .. وين جرحك سكن بين الجروح .. وأن لقيتيه .. أرجوك لا تتركينه .. خذيه بكفك وخلّي الروح .. خذيه لأيامك وذكرى أحلامك .. وأنا اعترف لك ما أقدر على كل الجروح ..
راح وقتي في عذابٍ طويل .. وراحت أيامي وأنا أمشي ظلمة الليل .. وأعترف لك .. وش كثر أنا أعاني وأبكي من زماني .. أرجوك لا تتركينه .. خذيه بكفّك وخليني الضائع المجروح ..
حبيبتي .. وأن صعب شيءٍ عليك .. أرجوك لا تتركيني .. هاك عيني وشوفي .. وين دمعك سكن بين الدموع .. وشوفي بعد .. وش اللي حرق ظيّك بين الشموع .. وأن تولّع حبك بهمّي .. تكفين لا تقربي يمّي .. بأنسى حروفك وأنسى الرجوع ..
ياما تساوت بعيني بعض السوالف .. وكنت أكابر وأقول للجرح ما يخالف .. وشوفي وين أنا ووين هاالناس .. لا مشاعر .. لا خواطر .. ولا لي غير هااليأس .. أرجوك لا تنتركينه خذيه بكفّك وخليني الضائع الموجوع ..
حبيبتي .. ما بين قلبك وعينك .. رميت حرفي .. وأندفن بعض خوفي .. والقلب توّه في يدينك .. خلاص حظي تعب .. وهمّي تعب .. وقلبي تعب .. ولو تدرين وش كثر التعب .. ما سألتيني ليه أنا كفّي بلهب ؟ ..
صمت الجروح .....
العرض العادي
