الألفيه الولى ...........................................

[وافـي السعوديه]

الف , الفت القوافي ونظمت الحروف من بعد ترتيبها اطبعي يامطبعه

با , بديت القاف واحنى على بابه وقوف في هوا مدعوجة العين ابيها تسمعه

تا , تعلمت الهوى لين سبب لي ظروف والهوى راعيه يبكي ويجري دمعه

ثا , ثلاث سنين في حب منبوز الردوف ليت من يقضي حياته وهو عايش معه

جيم, جد الجد والعين ياعيسى تشوف ثم جرد شيلته لا رحم من برقعه

حا, حمار الورد في وجنته عند الكشوف يااله الكون ما اجمله مااروعه

خا, خدر جسمي من عيون هاذيك الهنوف قلت انا من مات مظلوم محد ينفعه

دال, دار الراي وابدالي اسباب وظروف والعزيز النفس من جاب له عذر اقنعه

ذال, ذللني ونفسي عن المقفي عزوف قلت لا عاش الذي شيمته ما تمنعه

راء, رجايا فيه من قبلما عمري يطوف في حلال الدين والشرع راسي يقطع

زاء, زهمت قلتله يابعد كل الخشوف جسر حبك لو يطول الزمن ما زعزعه

سين, سيف الحب يقضي على كل السيوف مايبالي صاحبه لو يلاقي مصرعه

شين, شعره يوم هله على امتان الصفوف ابتلشبه سيده يوم حاول يجمعه

صاد, صوته يدخل القلب لاكن ما يروف لا تكلم كن قلبي بيده يمزعه

ضاد, ضاع الحق بين المضيف والضيوف ضاقت الدنيا علينا وارض الله سعه

طاء, طواني طي قرطاس بطراف الكفوف قمت اشوف الواحد اثنين والأثنين اربعه

ظاء, ظمنا بالهوى الترف معدوم الوصوف والوفاء يعرف طريقه ويعرف مرجعه

عين, عيش عيشه هنيه ترى الدنى تلوف كم فتى عمره على غير معنى ضيعه

غين, غامر في حياتك وعيش من دون خوف الحذر محال دون القدر دايم ما يمنعه

فاء, فعايل للهوى يشتكيها كل جــــــــوف كم محبا يشتكي من غرام لوعه

قاف, قبل النفس من لذت الدنيا تعـــــوف دام نفسك في جمال الحياه مولعه

كاف, كل العمر فرصه لتقاضي الشفوف ما سرعه يمضي شباب الفتى مااسرعه

لام, لو تشرى السعاده شروها الف الأولوف والفقير يموت ويقولوا الله يقلعه

نون, نورك ياقمر ساطع مابه خســـــــوف من شمال وجنوب وشرق وغروب شعشعه

ميم, من جرب ظروف الهوى قلبه يروووف يدري انه في زمانن مضى قد لوعه

واو, ودي اواجه الزين معدوم الوصـــوف الزمان اللي خذا سيدي ما رجعه

هاء, هوى قلبي يقولوا سكن وسط الهفوف الغزال الي جماله علينا دلعــــــــــه

ياء, يقول الي بدا بالمعاني والحروف اكتمل ترتيبها واطبعي مطبعــــــــــــــه