السلام عليكم
كيفكم ياعضاء الود
طول الله اعماراكم حبيت اخش معكم في المنتدا هذا
وهذي قصه من القصص الي انا مالفهااااااا
نزلتها في كم منتدا وحبيت انزلها عندكم
وانشاله تشوفون كل يوم قصص من شاكلتهاااااا
واتمنا انها تعجبكم
قصتي يومني طحت في النت
طول الله اعماركم خشيت في عالم النت منذ تقريبا 7 سنوات خشيت على عماهااااااا مدري
وش الطبخه وعلى شوي شوي المهم اني ادخل في مواقع ومنتديات واشوف العالم شغاله صح
قلت افااااااااااا وانا نقص خلني اجي مع الريجيل جيزي جيزهم وادخل طول الله عمركم يالله بدايت خير
موقع تجميل نساي اعجبني عنوانه قلت خلني اشوف قصت ها الحريم وش عندهن واسجل معهم
واشوفهن يكتبن ويزينن بغيت اشارك معهم قلت يولد عيب لقيت عندهم موقع طبخ واناضر والياها طبخات
مدري وش هي قلت يولد خلني انزل لهم طريقة كبسة ضبان اكيد بيشكروني
واحط العنوان
كبست الاحلام
واتعب نفسي واقول اول ماتجيبين
الضب شلوطيه بعدين نضفيه بعد الشلوطه ثم طلعي السلايق حطيها على جمب اذا كنتي تبين تقطعينه
فهو يفضل اذا كان حجمه كبير واهم حاجه واحلى حاجه فيه هي العكره <<<<<متحمس في الشرح
اما اذا صار صغير يفضل طبخه كامل واذا انتهيتي من طبخه وكبستي عليه الرز
روحي لسلايق الي حطيتيها على جمب ثم ميعيهااااا (( ذوبيهااا))
بعدين اذا نكبتي الغدا حطيهاااااااااا على الرز وتطلع لك كبسه ولا في الخيال اخليكم مع الصور
عاد تعالو شوفو الردود
اول رد
مديرة الموقع
الله يلوع كبدك لا وحاطن لي عنوان الموضوع هذا الي جذبنا
بالله عليك مالقيت تنزل الى الطبخه هذي يخوي شف الطبخات الثانيه
وتقعد تبربر علي
انا ساكت معاد رديت طاح وجهي
نشوف الرد الثاني
اعععععععععععععععع
اعععععععععععععععععععععع
اععععععععععععععععععععععععععع
اعععععععععععععععععععععع
اعععععععععععععععع
وش الموضوع هذا
لازم يحذف
وانا اتفرج على الردود ودي ارد قلت يولد وش لقفك وتشرح لهم
واشد عفشي لمنتدا ثاني
قلت يمكن
افلح معهم فيه
وادخل منتدا برامج
واشوف العالم تعبانه من جد
الي معرب والي شارح برنامج
قلت يولد هذولا الي بستفيد منهم وبيستفيدون مني
خلني اطلع ابداعاتي هنا عندهم
واجيك طول الله اعماركم
ابد البرامج واتنقا لي برنامج
ناضرت الدفتر قلت يولد هذا سهل خلني اروح للي اصعب قلت مافيه الى الرسام
خل العالم تبدع في الرسم ليش احتقرموهبتي يمكن يدعون لي
وامسك الرسام يسنايدي
ويالله وتطلع المواهب
شوفو الشرح
طبعن شرحي لهم شرح مميز
وكان عنوان الموضوع
شرح مميز من الووووووووم
اعزاي اعضاء المنتدا الفلاني اقدم لكم اول مشاركه لي معكم و هذا شرحي الاول وليس الاخير
وهو عباره عن شرح برنامج الرسام
هذا اسمه عندي عاد انتم مدري وش اسمه عندكم
نبدا في الشرح
واذا اي واحد عنده اي سوال لا اشوفه سالني لان معلوماتي فيه بسيطه <<<<<يزينك ساكت
اول شي يحبايب قلبي تروحون تفتحون البرنامج عشان تفهمون الشرح صح طبعن بتحصلونه في البرامج
الملحقه مايحتاج داون لود ولا شي جاهز عندكم
طبعن يختلف الشرح على حسب اصدار الوندز
يعني اذا عندك وندز 95 او 98 او ملينيوم او xp هذولي شرحهن نفس بعض <<<<يشين الفلسفه
الحين كلكم فتحتوه صح
ايه يالله اسمعو معي
فيه عندكم فوق فيه شريط
اول شي فيه ملف والي لاصق فيه تحرير
شايفين المساحه هذي نفس الي في القلم برسم تمسح الى تبون الله هذي تمسح صح من دون ماتملي عليك شي
وصطل البويه الي بجمبهااااااااا يصبغ لك بس بدون تعب وبدون تملي يديك
النجمه هذي اذا صار المنضر في اليل وتبي تحط لك نجوم
الي تحتها صراحه مدري وشي له
القلم اكيد عرفتو وشو له <<<<ذكي الولد
الي بجمب القلم ريشه تصبغ فيها الي تبي حتا لو تبي تصبغ وجهك
البخاخ الي تحتهم على طول هذا زي الفليت يعني لو جاك ذباب وانت ترسم
اضغط عليه واضمن لك يموت على طول حرف A مدري وشو له لان ماعندي خبره في الانقليزي
الخط الطويل الي تحتهم هذا اذا بغيت تبني لك ماصوره او شي زي كذاااااااااا
نرقا بكم في الشريط الي فوق فيه وحده اسمهاااااااا تعليمات هذي اذا بغيتو شي هي تعلمكم
عاد باقي الحاجات الي تحت الاي هذي بخليكم تكتشفوها بانفسكم عشان تستفيدون
من ناحيت لفة القوس قزح الي تحت هذي حقت الالوان الي يبي يختار لون على كيفه
وانشاله انكم استفدتو من الشرح
وابشركم يخواني اعضا هذا المنتدا
المره الجايه وعد مني اشرح لكم كانسة الالغام او سويلتر العنكبوت
انا مبسوط احس اني انجزت انجاز غير طبيعي
تعالو شوفو الردود
الرد الاول
يخوي حرام عليك <<< هذا صاحب الموقع
فشلتنا ياخي وش سويت انت وشرحك الحين بنتي في رابع ابتدائي
تبدع في تصاميم الفلاش وانت جاين تشرح لي الرسام
عاد تجرات انا وقلت لاتنسى ان هذا اول شرح لي
والمره الجايه واعدكم بسويلتر
الرد الثاني
هذا صراحه طيب
رحمني وقال الحين القلم اذا صار طيب حبره فاضي وش اسوي
يحليله جاملني
الرد الثالث
ايه يبني
يخرب بيتك تتمسخر علينا والى ايه اصدك
ويبربر من ها الكلام
دريت انه مصري
وانا جالسن اقرا الردود عاضن الكيبورد من القهر متحسف على المجهود الي بذلته عشانهم هم وخششهم
واعلنت انسحابي من الموقع هذاااا
وانا جالس افر في المواقع
جذبني اسم موقع
هكر في هكر
قلت يولد وشو الهكر خلني اشيك اشوف وشو
وادخل يسنايدي
واقرا مليون طريقه من طرقهم ولا وحده ضبطت معي
قلت تدري
خلني اتفلسف زيهم واشرح
لهم طريقت سرقت الاميل شكلهم كلهم نصابين
وبيصدقون شرحي
وانا ابدا في الشرح
اعزاي الهكريه
اليوم محد قدكم الي في راسه يسرق له اميل اي واحد من اصدقائه <<<<حلوه اصدقائه
ويستكشف كل الي فيه
يتبع الخطوات التاليه
واحد يرسل رساله ويكتب فيهاااااااااا اي شي يبيه
بس اهم شي ماتقل عن عشرين حرف
اول مايقراها صديقكم لازم انه يرد عليكم برساله على طول في نفس الوقت
اذا رد روحو للدز اقراه في شروحهم ولا ادري وشو
واكتب الامر هذا (((رحت فيها يصديقي )))
بعدين بيطلع لك البيبي حقه <<<اقصد الايبي على نياتي
احسبنه يكتب فيه بالعربي
وعلى طول يجيكم الرقم السري هذي الطريقه الاولى نسبة نجاحها 90%
الطريقه الثانيه ونسبة نجاحها 100%
ان كل ماعليك تروح لخويك ((صديقك)) في البيت وتوطا في بطنه لين يبلع العافيه
وتخليه يعطيك الرقم السري اذا عطاك الرققم السري تتبع الخطوات التاليه
وهي طريقتين اما انك تدخل عن طريق المسنجر او عن طريق الانتر اكسبلور
والمره الجايه انشاله بشرح لكم كيفية اختراق السيرفرات
وانشاله تكونو استفدتو من شرحي
الرد الاول
قسم بالله لو ماتضف عفشك من المنتدا هذا
لاعدم لك جهازك اعدام
الرد الثاني
هههههههههه
ههههههههههههه
هههههههههه
يخوي حرام عليك رحت لصديقي وهو الي توطا في بطني
الرد الثالث
الشرهه على الي مخلي موضوعك الى الحين ماحذف
((النهايه ))
هاه عادي ابي رايكم
ولا تصدقون اني مسويها
تراها قايلها من راسي
ودمتم سالمين
العرض العادي
