اقتباس المشاركة الأصلية كتبت بواسطة تبوك الورد أختي الغالية (( بنوته شقية )) رجعت لكي أسئلك بعض الأسئلة ( واحد ما يبي يوفر أي سؤال ) هلابك اقين تبوك اقتباس الأسئلة : * اليوم الذي يذهب لا يعود .. هل في يوم استعجلتي بإتخاذ قرار خاطئ وتودين يرجع هاليوم عشان تصحيحن خطأك ؟ انا متسرعه وعجولة بردي وانفعالي بس .. أما قراراتي افكر فيها على أقل من مهلي واستخير وأشاور .. يقولون ماخاب من استشار وحاليا مافيه قرار ندمت عليه .. بس قبل كم سنه كنت احس ان القسم صعب واني غلطت لما دخلته .. ويمكن وقتها لو سألتني كان قلت هذا القرار بس الحين هااااانت وما بقى شي .. ومافيه أمل افكر ارجع كم سنه ورى انا ما صدقت اخلص اقتباس * تبسمك في وجهك أخيك صدقة .. اين أنت من هذا الحديث ! وهل أنت من الذين يتبسمون لمن تعرفين ولن لا تعرفين ؟ امممممم للي اعرفهم أكيد .. وانا وجهي بشوش اذا كنت مروقة وللي ما اعرفهم يعني مو الكل .. يعني مو كل مامرت وحدة قدامي قمت أطالع فيها وابتسم بس اذا قابلتني بطريقي أو جيت أسأل أحد ما اعرفه أو أكلمه أو حتى اشتري من الكافاتيريا ابتسم اقتباس * ما هي مواصفات فتى أحلامك ؟ امممممممم ليه الاحراج طيب زين بقول لك أكيد لازم يكون على خلق ويخاف ربه ويحافظ على صلاته وخلوق ومن اللي عادي نناسبهم لأن أهلي له شروطهم شوي بهالحكاية ويكون متعلم ومثقف ومايكون ثقيل دم وما يعصب بسرعه .. ما انفع انا مع احد عصبي ومرتاح ماديا وكريم يعني ما يقصر علي عشان يعشني مثل ماني متعودة عند أهلي وما ابيه مغاااااازلجي .. ابيه مثل تركي المريخي يقول وحدة وماليه عيني لأنه لو كان كذا بموووت ومو شرط يكون شكله مرة حلو يعني حلو شوي عادي بس ما يكون شين وما اقدر اطالع بخشته والا يجون بناتي عليه شيون ويطحون بكبدي وماحد ياخذهم بعدين اقتباس * لو جاءك عرض من أفخم الفنادق في العالم لإقامة وجبة عشاء مع ثلاث بطاقات دعوة للعشاء .. فمن تختارين لكي يشاركك العشاء ؟ ثلاث بطاقات وانا معهم والا ثلاثة من غيري اذا ثلاثة غيري بقول امممم باخذ امي وثنتين صديقاتي من زمان عنهم اقتباس * ماذا يعني لكِ : _ الوقت :سلاح وللأسف دايم استهين فيه وما احسن استغلاله _ الحلم : مادري اي حلم تقصد .. الحلم يعني المنام أو الأمنية أو طولة البال اذا المنام عادي وناسة وأنواع الأكشن بس بعض الأحيان رعب واختبارات واذا الأمنية فهو دافع واذا طولة البال ادعي ربي يعطيني اياها _ العمل : اثبات الذات _ الضحك : مطلوب بس بحدود _ السفر :تغيير جو _ الصداقة : أثمن الكنوز وأندرها اقتباس * كلمة تقولينها لكل من يقول أن بنوته شقية مغرورة ؟ على حسب الشخص وعلى حسب الدافع اذا كان ناصح بقول له رحم الله امرئ أهدى الي عيوبي وبحاول آخذ بكلامه واذا قالها يبي ينقص من قيمتي أوقالها من قهـــــر بقول له ايــــــــــــــــــــه نعــــــــــم مــــــــغــــــــــرورة ومـــــــــعــــــــذورة اقتباس * لو حصلتي على جائزة مقدارها مليون ريال .. فكيف تنفقينها ؟ هات المليون أول وبعدين أعلمك لا جد الحين ماني محتاجته بشي .. بس ما يمنع أحطه بحسابي ولو بعطي منه أحد أو بتصدق ماني قايلة عشان كذا هاته وبعدين نتفاهم اقتباس دمتي بخير .. وإلى لقاء قريب .. حياك ونورت مرة ثانية