غاليتي حنين
أسعد الله صباحك بكل خير
ورزقك سعاده ابديه تهنئين بها مدى حياتك
سلام من الله لقلبك الجميل
آنستي ...
بالبديه نحن بمجتمع لازال البعض لديه
مبدأ الرجل مايعيبه الا جيبه
ولازال هناك اهالي يغطون ويسترون
على أبنائهم وعيوبهم فهو رجل لاينقصه
شيء وكأنه ملاك منزل من السماء
تنتظر بنت الناس ان يتفضل عليها
وتصير حرمه وتحت أسمه في بطاقة
العائله
والمشكله هالرجل الي تتكلمين عنه اختي
حنين تعلمين وش يغيضني قهراً ويغبن
ان اهله يبدون يبحثون له على اجمل
بنت من ناحية الدين والأدب والذوق والأخلاق
وش ذنبها هالبنت الي صامت وصامت وصامت وأفطرت على بصله
هالوقت يالغلا مو مثل اول ونادر تلاقين
هالفئه وان صار فيه بنات الحمايل
مايزوجونهم أهاليهم الا بعد مايسألون عنه
حتى بمسجد حارتهم رغم ويشفون عنه
واذا حصل وان غشو اهل البنت بطبايع ولدهم
هذا راح يكون العقاب من عند ربي كبير
اعرف لك بنت حصل لها انهيار عصبي
بأول ليلة زواجها والسبب ان الأهل خبو
ان الرجال مريض فتخيلي وانتي
بكامل زينتك وليلة عمرك يطيح امامك
مريض مصروع عفانا الله وأياك
البنت اول مره تشوف هالحاله وانصدمت من الخوف
وبفستان زفافها عادت محموله للمستشفى
وبعدها تقول لو اهم قالو لي مهدولي الوضع لكان
قبلت ولكن خبؤ مرضه عني الله العالم وش مخبين غيره
وتطلقت
الأهالي يتهاونون بأشياء كثيره عشان ولدهم
والله يكفينا وأياك شر الزواج كان مامنه خير
دمتي موفقه
مـ الشوق ـلاك