[ســــطام‘]

ليـه المسـآ .. عـوق الشقـآوي و طبّـه ،،
و ليـه الهبـوب تصحـي القلـب لآ بـآت ~

و ليـه القمـر يدعـي جريـح المحبّـة ،،
و يقـول لـه .. يـآ هيـه مـآ فـآت مـآ مـآت ~

جرحـك ظهـر لـو قلـت للوجـه خبّـه ،،
و للحـزن فـي ضحكتـك رسـوم و علآمـآت ~

و ليـه المطـر بالذآت ريحـه و صبّـه ،،
كنـه رسـول بيـن الأحبـآب بالذآت ~

أشتـآق فيـه لشوفتـك و آتنبّـه ،،
للـي نسيتـه من موآقـف و نظـرآت ~

لآ استـآنس الخـآفـق ذكـر من يحبّـه ،،
و رجـع يرآجـع فـ الونـآسـآت مـآ فـآت ~

يـآ مرتـع القلـب الحزيـن و مربّـه ،،
يزيـن بـك مثـل الذهـب صـدر الأبيـآت ~

هيهـآت ينسـى القلـب شخـصٍ لعبّـه ،،
و هيهـآت يدلـه خـآطري منـك هيهـآت ~

سبـك مديـح و مـدح غيـرك مسبّـه ،،
تقـول و أذنـي صوتهـآ تقـول لـك هـآت ~

و نبـع الغـلآ عنـدك و عنـدي مصبّـة ،،
و من الـولآ فـي خـآفقـي لـك ولآيـآت ~

و طيفـك حطـب عينـي و عينـي مشبّـه ،،
و الشـوق بـردٍ مـآ انقطـع لـو للحظـآت ~

و مكـآنك الصـدر و لـك القلـب شبّـه ،،
بيـن الضلـوع إللـي فردهـآ التنهـآت ~

و لـك بيـرقٍ فـ القلـب حبـك يهبّـه ،،
شـآمـخ و لآ هـزّه من العـذل غـآرآت ~

محبتـك فـ الوقـت ذآ مـآ تشبّـه ،،
إلآ بخيمـة بـدو بيـن العمـآرآت ~

إن شفتنـي ضـآيق و أهوجـس و اسبّـه ،،
أخـآف غـدر الـوقت و الـوقت دورآت ~

لآ تحسـب دمعـي نـزل دون سبّـة ،،
أبكـي من الفرقـآ و هـي بعـد مـآ جـآت ~

اليـوم كـل أمورنـآ مستتبّـة ،،
و بكـره مـآ نـدري وش معـه من مسـرآت ~

أربّ قلبـك مثـل قلبـي أربّـه ،،
مـآ يخلفـه كثـر العـذل و المسـآفـآت ..