حبيبتي فتحية اولا احيي فيك روحك المرحة وثانيا اتمنى لك
التوفيق انشاء الله وثالثا اشكرك على هذا الموضوع المهم
انا معك قد يوجد هناك بعض السوء في معاملة الطالبات ولكن هناك تعامل اسوء
وتصرفات ( تجيب المرض من بعض الطالبات هداهن الله ) فمثلا عدم احترام المعلمة اذا صارت ما تدرسنا او انشاء اسم جديد لكل معلمة حسب شخصيتها ومنادتها به دون حياء او خجل مثل ( البقرة الحلوب البقرة الهولنديه اذا كان لديها بعض الوزن الزائد او الدب القطبي او عنز السطوح او حلبة خضراء او كراثة او......................الخ
كذلك عدم احضار الواجبات او حلها تمزيق الكتاب او كتابة بعض الشعارات مثل (يعيش نادي الهلال يعيش نادي النصر يعيش اخوي ...ذكريات الفسحة يوم السبت بالحوش ...ابلى هند قمر وغيرها مما يثير الغضب لدى المعلمات
كذلك عدم الاهتمام بما تطلب المعلمة من انتباه او اهتمام او نصيحة ونرد بكل استهزاء ( مالك دخل انتى امي ولا ابوي خير انشاء الله )
محاولات معرفة رد الفعل لكل معلمة بافتعال المشاكل بالفصل علشان نعرف هي طيبة ولا شريرة
اذا نزلنا مع الدرج وقدامنا معلمة شوي و( ندربيها ) مع الدرج
وغيرة كثير
تعالو نشوف يوم دراسي عند معلمة
تصحى الصبح الساعة 4 علشان تجهز رضعات الصغير وفطور اللي يروحون المدرسه تلبس والشغاله تلبس العيال تصحي الاب الكل يبي شى الاب وين ثيابي الصغار تطاقو عل زمزميه المويه البنات تهاوشو على بكله الام تهدي العيال الاب وين هذا وين ذك وين ذيك الام تركض في الشقة كنها ....! الاب اخذ العيال وطلع يوديهم مدارسهم وبعدين يروح شغلة( واحيان الام هي الي توديهم )
تلبس العبايه تستنى النقل جاء وطلعت معه صار يلف على الحارة يشيل الزميلات وصلو على دقة الجرس رمت العباية في غرفة المعلمات ركضت للطابور طلعت مع الفصل حقها شرحت الحصة الاولى وهي واقفة الحصة الثانيه الحصة الثالثة جت الفسحة صارت النوبه عليها وقفت في الحوش مع البنات وياسلام على الكلام الحلو الي صارو يسمعونهياه مسكينه ماتقدر تقول ولو كلمه لانها اذا قالت كلمة جاها بدالها عشر مشاء الله على كرم الطالبات في الكلام بعد الفسحة دخلت الحصة الرابعة الخامسة احتياط الساد سة السابعة اخر النهار عندها نوبه وحدة من البنات ابوها عندة اجتماع وماراح يجي ياخذ البنت الا الساعة 3 الظهر طلعت البنت اتصلت على زوجها تعال خذني سمعها الموشح اليومي ليش الى هالحين بالمدرسه ولحقها كم كلمة حلوة وجا وخذاها للبيت لقت كل شي في البيت صاير مو مكانه رتبت مع الشغاله وصرخت وصيحت على العيال جت بتجلس شوي جو يمه عندنا واجب ( جو ضمير عائد على العيال )
يالله جيبو الشنط المغرب انتهى شحنهابالمرة حاولت تحضر دروس بكرة حضرتها بكل كلفة نامت المسكينه وقلمها بيدها وصحت بكرة ونفس البرنامح بس النوبه اليوم على ابلى سعاد )
ملاحظة : في ايام الاختبارات المعلمات يدورون ربع درجة في الورقة علشان البنت تنجح واحيان يغيرون نموذج التصحيح ويحطون اكبر درجة على السؤال الي جاوبو عليه البنات زين
كيف حقوقكم مهدرة ( الضرب ممنوع ...... التوقيف ممنوع ........ التهزئ ممنوع .... الدفتر لا تحسبون الطالبه عليه ..... اختبار دور ثاني موجود واختبار الغائبه موجود ..... خمس درجات للطالبه تأخذها مثل سلام عليكم ........لا تقولون للطالبه انتي كسلانه او مقصرة ....... اذا الطالبه وقفت اثنا الشرح لتتحدث على المعلمة السكوت حتى تنتهي الطالبه من كلامه وطبعا اذا تكلمت وحدة تكلم الفصل كلة . اه . ومتى يسكتون ......... وهالحين بعد شي جديد خلو الطالبات يسرحون شعرهم على كيفهم ويلبسون البكل الي يبون والالوان الي تعجبهم وغيرهاااااااااااااااااااااااااااا
تصدقين فتحيه من الدلع الي الطالبات يحصلونة ودي ارجع طالبه
زمااااااااااااااااااان ( ننضرب نتهزاء ولا نعلم اهلنا لانهم بيزيدونا )
زماااااااااااااااااااان ( مافيه دور ثاني ولا اختبار غايبه )
زماااااااااااااااااان ( دفاترنا عليها درجات ومشاركتنا واختبارتنا )
زماااااااااااااااااان ( محل الادارة مانقرب منه واذا شفنا احد من المدرسات وخرنا عنها
ونزلنا نظرا احتراما وتقدير
زمااااااااااااااااان ( كراسي عجيبة وطاولات اعجب ومباني كنها منخل اذا نزل عليها رشه مطر خفيفة رجعنا بيوتنا متروشين والحمد لله ( مرة طاح علينا السقف بس الحمد لله ماصار اصابات )
((((( هذا زماني كيف زمان الي قبلي ))))))
الله يذكر زماااااااااااااااااااااااااااااااااااااااااااااااا ااان بالخير
الله يوفقك وبأذن الله تكونين احدى القياديات في المجتمع وتشوفين الصورة بمنظار اوسع واشمل
واذا كنت ثقلت وكثرت في الحكي اسفة
تحيااااااااااااااااااتي