تابع>>
اميره: وش فيك صوتك متغير
مشاعل واهي تتنهد: مها اختي مدري وش صاير معاها تذكرين وليد خويها اللي قلتلك عنه
اميره خبره : اكييد اعرفه توني شايفته امس في كوفي في التحليه مع ابراهيم
مشاعل ارتاعت منها: وانتي ايش دراك
اميره بفخر غبي مثلها: انا اميره مو حي الله اعرف الكل والكل يعرفوني
مشاعل في نفسها يازين المعرفه بس:ايه ناسيه انتي مين
اميره: ها بتطلعين بكرا
مشاعل: اشوف طفشت من الطلعات
اميره: احد يطفش من الطلعات الله يهديك
مشاعل: ايه انا اذا كنت بطلع بعطيك الووو
اميره: اوكي سي يو
مشاعل: سي يو تو
****في غرفه مي كانت نوف جايه عندهم بعد ما جابها خالد وجلست تقولهم وش صار لما حلق شعره**
في مو قادره تمسك نفسها من الضحك:ههههههههههههههههههههههههههههههههههههههه
مي:هههههههههههههههههههههههههههههههههههههههههههه
نوف: والله انا تعبت من الضحك عليه مسكينه يقولي انا بتغير
في: يستهبل الكل يتغير الا خالد
مي: وانتي الصادقه
نوف: ولله مدري احس هالمره جد في شي مغيره صاير ما يمزح مثل اول وما يجلس يسهبل معاي مثل اول في شي صاير معاه وشي كبير خلاه يتغير كذاا
مي : يمكن ما يندرى عنه
ام احمد كانت تطق الباب
مي: هلا يمه
ام احمد وتعطيهم العصير : هلا نوف وشلون امك
نوف: تسلم عليك خالتي
ام احمد: الله يسلمك وياها ترا احمد يسلم عليكم
نوف سمعت اسمه من هنا ويوقف شعر راسها من هنا
مي: الله يسلمه بس ليش يسلم
ام احمد: مشى اليوم الشرقيه
في: ليش ما استنى والا خذنا معاه
ام احمد : شكل ورى روحته بدري شي بس انا ماسألته
مي: خلاص بعد شوي ندق وشرشرحه
ام احمد:عيب يابنت
في:ههههههههههههههههههه
ام احمد واهي طالعه : ايه يا نوف سلميني على امك
نوف: يوصل انشاء الله
بعد ما طلعت ام احمد جلسو البنات ياكلون شبسات ويسولفون على هم الدراسه ما بقى عليه شي كان في ماسكه لاب توب احمد وتقرى اشعاره الجديده
في: نوف وش رايك تقرين شوي من اشعار احمد
نوف: اكيد اهو ما يمانع
مي: لا عادي احنا نمسك ونقرى على راحتنا ما يقول شي
راحت نوف ومسكت الاب توب وبدت تقرى وشدها عنوان قصيده
((((قصيده حب)))
على طاري قصيده حب كتبت اجمل معانيها
احس بعالم الغربه يجول بعالم أفكاري
رسوم الشوق في قلبي تباشير الفرح فيها
انا المشتاق لعيونك يعالج باقي اعذاري
مجاديف الزمن تجري تبعدني وانا ابيها
انا ما اقوى على بعدك يبعثر خافي أسراري
عذاب الحب مهلمني وهجرانك وتوليها
تصور كيف انا بقدر اعيش بظلمت الداري
جنونك راسخ فيني حياتي لك امشيها
اضمك داخل عيوني وتصبح عاشق انظاري
هلا والله ياغالي تشرف روح ترجيها
وتسكن قلب(احمد)بلاتدليع ختاري
تجي وتشوف مقدارك تعالي يم راعيها
ابد ماخنت انا عهدك عليه صار اجباري
على طاري قصيده حب كتبت اجمل معانيها
احس بعالم الغربه يجول عالم افكاري
((لشاعر عبد الله بن مخلف العنزي))
عاشت جو غريب تحبه بس ليش عندها شكوك وما تبي توافق يمكن تبي تختبره وتختبر حبه لها بفكر واستخير وبعدها يحلها الف حلال
مي تهز كتفها: يا اختنا في الله وين رحتي
نوف انتبهت: هااا هنا بس لقصيده حلوه
في: اجل اخوي ما يلعب واذا حب حب>>>وغمزت لنوف
نوف ااستحت: وش تلمحين له انتي الثانيه
في: قصدي يابختك فيه
نوف راحت تدور شي ترجمه عليها ما لقت الا علبه بيبسي فاضيه وترميها وتضرب في في راسها: يا بختي يا بخته اهو فيني ومن قالك اني بوافق اصلا يعني
مي: نشوووف نشووف اذا ما سألك ابوك وقلتي موافقه موافقه موافقه
نوف ولعت منهم يضحكون عليها: اشوف فيكم يوم يا بنات ابراهيم
مي تبي تقهرها: يا عيوني بنات ابراهيم مو أي شي يقدر يهزهم
في: صدقتي
مي : الا اقول وش رايكم ندق على احمد
نوف انقلب وجهها: وليش
في: ابي اجننه بطلع ريحته عشان مره ثانيه يقول لنا قبل ما يسافر مو يطير كذااا
مي: عاد تصدقين انا احس سفرته مو لله
نوف : وش قصدك
مي: مدري بس انا مو مرتاحه وش اللي يخليه يسافر كذا بسرعه ولا حتى فكر يمر يسلم علينا عمره ما سوها على كثر سفره
في: وصح وبعدين احنا بنروح بكرا يعني ليش مستعجل الا اذا فيه شي
نوف نغزها قلبها: انشاء الله ما في الا الخير لا تخلوني اجلس افكر لبعيد
مي تغمز لفي: القلب بدى يحن
نوف تضايقت من جد: يا شينكم كرهتوني في عيشتي خلااص اسكتوو
مي حست انها زودتها بس كانت تمزح: خلاص اص بدق
**احمد شاف رقم اخته وجلس يضحك كان يتستنى اتصالهم عارف انهم ماراح يعدونها له كذا بالساهل**
احمد يتميلح: هلا وغلا بها الصوت
مي كانت فاتحه السبيكر: هلا حمودي حبيبي
احمد يبي يقهرها: حبيبيك في عينك ما يحق لاحد يقولها غير نوف
نوف استحت وغطت وجهها بالمخده
احمد ما كان عارف ان نوف موجوده خالد جابها بعد ما طلع من البيت بخمس دقايق بس
في سحبت السماعه من مي: هلا احمد وينك الحين
احمد: هلا فيويه انا باقي لي يعني ساعتين وانشاء الله اوصل البحرين
في استغربت : وش يوديك للبحرين
احمد : بعدين اقولك
في حست انه ما يبي يقول لانه عارف ان السبيكر مفتوح: الا اقول ما ودك تسلم على بعض الناس
يتبع<<