[الهدار]

( وش فيها ؟ ) مدخل لكل شر فهي تمزج بين معصيتين الكبيرة تهون الأصغر منها وهذه امثلة :

يابنتي جاي رجال مستقيم يخطبك
أنا لن أتزوج وش فيها عمتي ما تزوجت وماضرها شيء ماخذة راحتها لا ازعاج زوج ولاتحكماته


يا بنتي من اللي تكلمين
هذا حبيبي فلان وش فيها اذا كلمته انا احبه وهو يحبني ومهدي لي مسج في قناة000و يفكر انه يخطبني

يا ولدي رح للجامعة ادرس

أنا لن ادرس وش فيها اغلب المتخرجين ما لقوا وظايف والأعمال اللي يشتغلونها ما تتطلب جامعة


يا بنتي نقابك مبين عيونك المزينه
وش فيها انا ما طلعت الا عيوني كني قطة ما تشوف الاسترتشات والعبايات


يا أم الشباب مسافرة انت وبناتك للخارج
نعم وش فيها إذا رحنا سياحة وتمشية في ارض الله كل العالم يتسوح ما احنا بشر


يا أم الشباب اهم شيء التحشم والحجاب في الخارج خاصة معك بنات شابات
وش فيها اذا خذت البنات راحتهن في اللبس والتزين عساك تبي تعقد البنات حتى في السفر 0



أمثلة كثيرة لاحصر لها نتجرع بها المصائب مغلفة ب وش فيها ؟ فلا تدعها تنزلق بك في حبائلها