[عيني عليكم]

قد يكون سبب كتابة هذه القصيدة هو اكمال عشرين عاماً في 21/2 ...
رأيت فيها أشياء تقام .. ما أنزل الله بها من سلطان ..
كعيد الميلاد ، وعيد الحب ... وغيرها ...

	كملت أنا من عمري اليوم عشرين = وما أحتفل من عادتي بعيد زايف ما أحتفل في عيد حب الملايين = وأضرب طبولي بعيد حب الولايف ولاعندي بالقاموس (بابا ) أو اثنين = موحدٍ راجي من النار خايف دام الرسول موصي الناس بالدين = والدين ثم الدين والدين شايف نمشي على شوفة هل العرف راضين = ولا عندنا بالدين حزب ومواقف أمي ما يكفيها بالأعياد يومين = الله موصيني عليها وعارف وأبوي الا منه طلب نرخص العين = العين وش هالعين !! كل شي تالف أخذت في دنياي علم وموازين = آزن كلامي قبل أجر الحسايف لاتعطي للعدوان مدخل على الشين = ولاترضى بالتعداد ضمن الوصايف وإن جيت تعطي خلها أجزل الزين = وفي دنيتك بالزين للشين خالف اصبر على دنياك واصبر على البين = ترى الدهر ماهو على الدوم صارف دنياك ماهي بدمعة العين بتزين = كافح بها وخلك على العز نايف شمِّر عن ايدينك اذا جوك لافين = وحيا الله الضيفان دار المضايف اطلق حجاجك دامها يسرٍ ولين = واعقد حجاجك لأصدفت بك صوادف يادنيتي عدّت بالأيام عقدين = عدن كما لمحة بصر شوْف شايف