[حقيقه شفت في الصوره خيال يذهل الصوره
نظرته يوم ناظر لي وقلت انسنان قال انسان
تأملت وعجزت انطق تحيرت بوهـج نـوره
وقبل أسأل سألني ليه انا من نظرته حيـران
حقيقه تاهت افكاري حقيقه تهت في سـوره
وقلت بصوتي الخافت تكلم ياصغيـر الجـان
وقال بنخوة الفارس وعزة شاعـر الـدوره
انا كل الحقايـق لا تـدور وأسـأل الميـدان
انا عنتر على العدوان محدٍ يجهـل حظـوره
ملكت السيف في وقتي حميت الدار والديـان
وان ابو زيد في صوتي جمبع الناس مجبوره
تحت أمري ولاجل رضاي محدٍ قال لي غلطان
وانا صوت الفرزدق شاعر يوفي لجمهـوره
بيوت الشعر تعرفي تطاوعني غصب واحسان
وانا شاعر عرفت الحب نفسي منه مقهـوره
انا قيس بهوى ليلى ولدت ومت في حرمـان
انا كل الصفات وكل عاشق ما كشـف دوره
انا الحاظر انا الماضي تقدم وإظهر البرهـان
بكيت وهلت دموعه وقلـت العيـن معـذوره
وسلمت بيميني رد باليسرى وقلـت جنـان
حقيقه اكتشفت الصوره اللي تشبه الصـوره
حقيقه لمعه المرآه تعكس صـورة الانسـان]
قصيدة ....تحمل في طياتها
صادق المشاااعر .......
وحلاوة الاسلوب .......
صح لسانك اخووووي ........
وننتظر جديدك ........
تقبل خالص التقدير والاحترام ....