خلونا نبدأ بالموضوع....
هذا حوار بين اثنين من الشيبان يعانون من ضعف السمع
لذلك من الطبيعي ان يكون الحوار بينهما كما يقال حوار طرشان
كلاهما في واد ...
و الحوار يتم عند محطة للحافلات في انتظار وصول الحافلة
اليكم الحوار :
بوهارون : السلام عليكم يا بورشود
بورشود : هلا بوهارون ... كيف حالك و كيف حال هارون ؟؟
بوهارون : شارون .... لا تجيب سيرة هالمجرم الله يلعنه و يلعن ساعته ...
بورشود : حمى ... فيك حمى انا ما خبرتك ما تجلس وقت البرد في الحوش ..
بوهارون : بوش ... بعد لعنة الله عليه هالارهابي الغبي يضحك علينا و يدعي ان عندهم ديمقراطية و حرية ...
بورشود : مربية ؟؟ ... ليش تبغى مربية ... عندك احد في البيت مريض و تعبان ؟؟
بوهارون : عنان ... قصدك كوفي عنان... بعد الله يأخذه هالمجرم و يأخذ معاه بوش و شارون و هيئة الامم ...
بورشود : غنم ؟؟ وش بلاك يا بوهارون صرت تخور ؟؟ مرة غنم و مرة مربية .. الحين وش علاقة الغنم بالمربية ؟؟
بوهارون : العربية ... مالت عليها الدول العربية ... عشرين دولة و لا دولة فيها خير ...
بورشود : طير ؟؟ السما صافية ما أشوف فيها طير ولا حتى ذبابة .
بوهارون : دبّابة .... يا ليت عندي دبّابة كنت اوريك وش اسوي فيهم ... آه ياالقهر ...آآآآه ه ه ...
بورشود : اسمعك تتأوه يا بو هارون ... أكيد الحمى زادت عليك ؟؟ ... لا بأس... لابأس ...
بوهارون : باص ... وصل الباص ... أجل أترك عنك هالسوالف اللي ما منها فايدة و خلنا نركب الباص و نسير البيت