______________________________
يــا صاحـبـي وش هالجـفـا والقـطـاعـه
أنــا دخـيـلـك صـابـنـي ضـيــم وهـيــام
بسمتـك لـي جـنّـه .. وعطـفـك شفـاعـه
وشوفتـك عنـدي مثـل تحقيـق الاحــلام
أنت المُنى .. وأنت الأمل .. والطماعه
منـهـو تـولّـع فـيـك مـــا هـــوب يـــلام
يالـلـي جمـالـك نــور يـجـهـر شـعـاعـه
فيـه الحسـن .. فيـه الغنـج .. والتبـسّـام
وعيونـك الحـلـوه .. وهــرج الـوداعـه
أنتي ملاك الكون .. فـالشرق .. والشام
حُـبــك سـطــا فـالـقـلـب زاد ارتـفـاعـه
حبٍ بقى طـول الزمـن .. طـول الأيـام
وعهـد الوفـا مـا زلـت ممسـك شراعـه
ولا أنـت يالمزيـون ناسـي لــك أعــوام
مسكيـن قـلـبٍ لاعــه الـوقـت .. لاعــه
وأصبـح يعبّـر بالشعـر حــزن .. وآلام
وقــام إيتـوجـد شـوفـتـك كـــل سـاعــه
ومهمـا يكـون الوقـت والحـظ مــا قــام
عنـدي يقيـن إحسـاس .. عنـدي قنـاعـه
هـذي مكاتيـب .. ومقـاديـر .. وأقـسـام