اختي ندى .. اول شي اسفين اذا علقنا على كلامك ولأول مره اشوف عضو يقول للاعضاء ليش تعقبون على كلامي .. اجل مره ثانيه اذا كتبتي رد بغمض ولاني بشايفه ثاني شي الايه ياعزيزتي المثقفه التي تثق في نفسها .. (وقرن في بيوتكن) مو بس معناها ان يفرض على المرأه المكوث في البيت وعدم الاختلاط في الرجال .. ياعزيزتي القرآن معجزه وكل ايه تدل على معاني كثيره .. وانا كلامي ماقلته من فراغ وسبق ان سمعت تفسير الايه من قبل الشيخ عايض القرني .. وقال ان معنا الايه ان المرأه هي ربت البيت والمسؤوله عنه .. طيب بربك ياندى وش معني كلمه (ربت البيت) ؟؟ هل معناها ان المرأه تقعد في البيت وتتربع ولاتختلط بالرجال بس !!!!! المرأه مسؤوليتها الاساسيه ومن (واجباتها) وليست تفضلا منها - كما ذكرتي سلفاً - انها تعتني البيت وتهتم فيه من جميع النواحي .. ومو شرط يجيب لها خادمه تخدمها .. واعذريني بعقب على بعض كلامك اقتباس اول شي المرأه اذا كان يوجد من يخدمها في بيت ابيها ,, فلزاما على الزوج ان يحضر لها لها من يخدمها الا اذا هي ارتأت غير ذلك ووافقت على الخدمه بنفسها ^ ^ اصلا اذا المرأه كان يوجد من يخدمها في بيت ابيها فهذي المرأه دلووعه ومهيب سنعه .. ومو لزاما على رجلها انه يجيب لها شغاله .. واذا الأم ماعلمت بنتها السنع منذوو نعومت اظفارها صدقيني مصير البنت تقعد في حضن امها الين تعجز وهي على دلعها مع امها .. اقتباس شغل البيت المرأه تقوم به تطوعا و تقربا لنفس زوجها و تهيء له مايريحه كنوع من التعبير عن محبتها فقط لاااا اكثر و ليس للرجل اجبارها عليه ^ ^ ندى وربي فكرك مشوش للنعله .. يعني من جد استغربت قولك بأن المرأه تفضلا منها انها تخدم بيتها وزوجها .. ندى ابيك تذكرين لي الله لايهينك واجبات الزوجه تجاه زوجها !!!!!!!!!!!! اقتباس والله اني لأشفق كثيرا على من يفسرون ويؤولن معاني القرآن و السنه حسب افكارهم لوكانوا يعرفون كيف يقرأون و يفهمون لما وقعوا في كثير من الخطأ ^ ^ ندى انا سبق وان قلت لك ان الكلام اللي قلته مو من راسي وبنات افكاري .. التفسير اللي سمعته من شيخ وعالم وفقيه .. والايه لها تفاسير كثيره .. مو افسر الايات على حسب مزاجي واتقيد فقط بالنص الموجود في القرآن .. القرآن كتاب جمع كل حياه المسلم وواجباته وماعليه .. واذا الى الآ مقتنعه بكلامك .. انا مستعد اعطيك رقم احد المشايخ الكبار واتصلي عليه بنفسك وأسأليه عن جميع معاني هذه الايه .. اقتباس على فكره تقدر ترجع لتفسير ابن كثير ,, او روح الياهو اسرع ^ ^ القرآن مفسر على كتب كثيره مو بس ابن كثير ومع اني ماقد قريته بس بأمكانك ان تسألي عالم له باع طويل في تفسير القرآن ويعرف جميع تفاسيره ومعانيه مو بس تقرين كتاب واحد وتقولين ان معنى الايه فقط عدم الخروج من البيت !!!!!!! ثاني شي انا ماادري وش دخل الياهو في التفسير .. او يمكن انك بعد قريتي تفسيرات الياهو للقرآن خخخخخخخخخخ اقتباس بالنسبه للأدله و الحجج فلمعلوماتك القيمه ندى لما تتكلم بأي موضوع و تدخل بأي نقاش فهي تتكلم بثقه و بمعرفه مسبقه انها صاحبة حق و لن يستطيع احد احراجها و بأنها صاحبة حجه و دليل او تنسحب من الحوار الأدله موجوده من السنه النبويه تبيها دور عليها ,, موفرض انا اجيبها لك ^ ^ هين مو بس انتي اللي تتكلمين بثقه ومعرفه سابقه .. اعرفي ان جميع الاعضاء واثقين من نفسهم ولديهم معلومات ومعرفه وبأمكانهم المناقشه في اي موضوع .. وبالنسبه لردي عليك .. يشهد الله اني ماكنت اقصد اني احرجك او انني اتسبب في عمل بلبله وتطبيل في الموضوع بس لاحظت ان كلامك غريب ولأول مره اسمعه صراحه وحبيت اعقب على كلامك لااقل ولا اكثر .. اقتباس وبصراحه ماحب ادخل في مهاترات مالها معنى اعتز بثقافتي و بشخصيتي جدا وياليت تعليقك في المره القادمه يكون محصور في اطار الموضوع وصاحب الموضوع اما ندى و ردودها فمو من اختصاصك التعليق عليها اذا حطيت موضوع تعال علق عليه و عارضني او ايدني براااحتك ^ ^ اول شي الموضوع هذا وحديثنا ابداً مو مهاترات .. الموضوع له فائده كبيره ومغزاه واضح ومناقشتنا فيه لها فائده على جميع الاعضاء .. ثاني شي انا علقت على الموضوع وردي اصلن كان على الموضوع نفسه .. حتى اني اخر الرد قلت وبالنسبه لرد ندى وعقبت على ردك .. ولاتنسين ان ردك على الموضوع هو تكمله له مو بس كلمه شكر ومرور .. اقتباس اما ندى و ردودها فمو من اختصاصك التعليق عليها اذا حطيت موضوع تعال علق عليه و عارضني او ايدني براااحتك ^ ^ الاختلاف في الرأي لايفسد للود قضيه .. صراحه استغرب هالكلام منك .. اذا انا كعضو مو من اختصاصي ان اعلق على رد اشوفه قدامي .. اجل اختصاص مين ؟؟ اوكي على راحتك اختي ندى انا ماراح اعلق على ردودك ومواضيعك وراح اكتفي بالمشاهده (لآنه مو من اختصاصي اني ارد على ندى ) صراحه كلامك جدا استوقفني لكن الحوار وادابه وخصائصه معروفه عند الجميع .. واتمنى اللي يبي يناقشني يناقشني بصوره افضل من اللي رأيتها .. تحياتي لكِ اخوك المزيون