مدري متى صارت جروحي تسليك
عقب الوفاء وشلون غرتك دنياك
يامن على اليوم كثرة طواريك
نهاية الغدار ماظن تخفاك
في حبك الثاني عسى الله يهنيك
حنا مع الايام ندله وننساك
كنت الرجاء واليوم خاب الرجاء فيك
ارخصت ماضينا وغيرت مبداك
وين الحنان اللي مقره موانيك
وين الضمير اللي عن الغدر ينهاك
غال الدموع ارخصتها لك وانا ارجيك
ابني لك بدمعي وتهدم بيمناك
يكفين ما قاسيت منك وتغليك
منتب على قلبي وصى وملاك