والللللللللللللللللله
العظيييييييييييييييييييم
من احلى المواضيع اللي قريتها
يا اخي اايش العقل الفلتة هدا (ما شاء الله)
من فين تجيب المواضيع هدي
والله بصراحة انتا صرت كاتب الود التاني بعد محمد عبدالوهاب
وانا اتوقع انك تصير مراقب عام في المنتدى مو بعيد عليك
اخش في صلب الموضوع
انا اقلك الاسباب اللي تخلي الواحد يرد بكلمة او بعبارة ثناء
1- بعض الاشخاص يسجلو في المنتدى بس كدا تمضية وقت لا اكثر وما يبغو يستفيدو.
2- الكلام اللي انتا قولتو على السطحية اللي نعاني منها فانا اوافقك في الشيء هدا لانو لو نظرنا احنا من صغرنا محنا متعودين على ابداء ارانا وافكارنا باسهاب او بتطويل في الراي.
3- بعض الاشخاص مشغولين مرة ويا دوبك حتى يردو على المواضيع بسرعة.
وفي اكتر من سبب
بس هدا اللي يحضرني دحينا
اما بالنسبة ليا انا فانا بصراحة انتمني للفئة التانية اللي هيا اني مني متعود على ابداء الراي باسهاب وكلامي دايما مرة قليل وموجز.
وسلامتك
وتسلم مرة تانية على الموضوع
خلينا نشوفك
يلا في امان الله