الله من قلبٍ من الهم مقلوع=قلع الضروس اللي تقلع بمقلاع
هماً عمل بالقلب مدخال وطلوع=قلبي غدا للهم مدخل ومطلاع
هما ًدخل وسط الحشاصاعني صوع=كم واحدقبلي بدنياه منصاع
والله يا لولا القلب من فوقه ضلوع=من حرما اونس طارمن بين الاضلاع
ما طاعني قلبي ولو كان مطيـوع=وانــا لقلبي يعلـم الله مطـواع
خليت صبري بالحشا تقل مصنوع=لو ان ما للصبر والقلب صناع
طعت الضمير وصرت بالوقت مخدوع=واثر الدهر لو زان للناس خداع
واخذت لي من جرعة المر قرطوع=جرعه تعلمني وترشد للاسناع
عن شي يخفاني على كل موضوع=درست درس ودارس الدرس ما ضاع
احسب حساب الوقت مثني ومربوع=عن زلة توزم على عض الاصباع
لو شفت من دنياي باللهم واللوع=اكنها بالقلب لو كنت منلاع
اخاف من هرجة خبيث وقاطوع=اللي على الزلات يلفح له شراع
صار الذي هو صار بعزوم ودروع=لو ان قلبي للهواجيس مرباع
ان قلت راح الهم يرجع لي رجوع=واصبح يراودني بروحه ومرجاع
دنيا تقلب ما عرفنا لها سنوع=يحتار فيها من تفكر ويلتاع
وين الرجال اللي لهم صوت مرفوع=ساس النقا والطيب وافين الابواع
اللي احدهم باللوازيم باتوع=اللي ليا شطت من الجال بتاع
غيث لجيرانه عن الضيم والجوع=لو ضاق وقته ما تضايق ولا زاع
لو كان وقته ما مشى له على الطوع=تلقاه مدهال النشاما بالاوقاع
بالدين والتقوى وبالصبر والنوع=نوعه قليل يوم تعديد الانواع
زبن الضعيف اللي من الوقت مرموع=ضد الخصيم ويعطي الصاع بالصاع
وان جاه واحد من لياليه مهزوع=ياقف معه وقفات عن كل مهزاع
اقفوا عن الدنيا بلوعات تروع=ما باقي الارسومهم تبدع ابداع
ناموا عباد الله ونومي على الكوع=وانا افتكر بايامنا تجزع اجزاع
واغفي غفاي اللي من السم مصروع=تقول كاويني على القلب مرقاع
وان قلت يا قلب الشقا اليوم ممنوع=لا تذكر الماضي وزينين الاطباع
يبحث خفايا الوقت ويزوعني زوع=ويصبح به الهاجوس شاري وبياع
دنيا على الحبلين في كل مشروع=يشيب منها اللي على الديد رضاع
اقولها والحق باين ومرفوع=اللي مشى دروبه طويلات ووساع
وصلوا على المختار باخلاص وخضوع=محمد اللي بين الحق باسراع
اعداد ما ينبع من الارض نابوع=على النبي اللي له الخلق تباع