--------------------------------------------------------------------------------
وش لي بقى يا صاحبي ما كسرته= إذا مقامك ما حسب لي مقام
صعب انتظر أكثر من اللي انتظرته =معك العمر لو ضاع والله حرام
لاتنكر اللي صار دامك ذكرته =لاتبرر وتحلف .. شبعنا كلام
قالت سواتك كل شي نكرته= وباين عليها كيف مالي احترام
وكيف الصديق اللي وفا طاح كرته= وكيف اللئيم اليوم يجزي الكرام
طغيت في ظلمك وجرحي احتكرته= الله حسيبك كيف تقوى تنام
وابحرت في ليل الخطا ما سهرته= وشلون ما خفت الغرق والظلام
عمر البحر يا صاحبي لو عبرته= يبقى بحر مافيه صلح وسلام
على العموم اللي في قلبي ونثرته= وانت وضميرك روح يكفي ملام
أنا رضيت اكون كنز خسرته= لاني رضيت الجرح مسك الختام
وليتك بترضى تكون شي كسرته = وماعاد يحسب له مقامي مقام
تحيااتي