والله أخوي صدق مشكله لكن هذي عوااايد بعض القبايل أنه يكون المهر كثيييير وما نقدر نغيرها! ! ! لكن صح أنه المفروض أن العم يساعد ولد أخوه لكن يمكن أن أبو البنت يفكر في مستقبل بنته صحيح أنك ولد أخوه وعارفه وعارفك بس محد يدري وش في داخل النفوس؟؟؟ ولا احد يدري وش بيصير بعدين؟؟؟ فالأب راح يفكر في بنته قبل ولد أخوه وأكيد ولد اخوه على عينه وراسه ومسألة الإلزام في بنت العم أو ولد العم والله فيها ظلم كبييييير للشاب وللبنت يمكن البنت أهون من الرجال لأنها حتى لو تزوجت من برا ماتعرف زوجها أساسا لكن في بعضهم مايبغون عيال عمهم اكيد لأسباب وفيه بعض الأهل الله يهديهم داااايم على لسانهم عن الشاب إذا كان فيه عيب يقولون (( إذا تزوج بيعقل )) والله أن هذا الكلام مو شرط لكن من اللي يسمع؟؟؟ لكن الولد مو شرط يكون عارف البنت اللي من برا العايله يمكن أحد مدحها له يمكن هو شاف اخت خويه بالغلط ودخلت قلبه يمكن ويمكن ويمكن . . . . . . . . . . . . . . . وبعضهم الله يهديهم وهذول ناس أعرفهم بيزوجون ولدهم ل بنت عمه وعمر الولد 16 سنه يعني تو الولد صغير حتى مايتحمل مسؤولية نفسه فما بالكم ومعه زوجه؟؟؟؟؟؟ يعني هذي عادات المفروض أن أحنا نحاربها في حالة ان الولد مايبغى البنت أو العكس؟؟؟ إو إذا كان الولد توه صغير! ! ! الله يهدي كل أب وأم في عقولهم هذي العادات السيئه الله يهديهم. . . الحمدالله أن أهلي من النوع اللي راي البنت أو الولد قبل كل شي الله يتمم علينا ويوفقنا وجميع المسلمين. . . أن شالله يكون كلامي نفعك أخوي ماجد وتحياتي لك. . .