يابدر انا فى حالتى صرت محتار=مدرى تزين اوبعد تقفى وراها
يابدر انا عندى مصيباتن اكبار=خمسة مصايب بالضماير لضاها
الاوله ياخوى غريب فى دار=والثانيه جوف الضماير شواها
والثالثه يافلان له خافقى ثار=مدرى علام الناس عمست ارياها
اون واشكى من كوى نار فجار=حتى ادموع العين ما اطفت ضواها
اصبر واصابر حيلة الله والاقدار=لعل فىصبرى ودمعى دواها
والرابعه خلى شبكنى بسنار=قطع اعروق القلب بيده قواها
لفلف احبال الموت عقدن بالاسحار=ومن حر شوقه سطح كبده كواها
يحبنى بأخلاص ماهوبقمار=وتودنى حيث اننى من بغاها
اموت واحيا واحبس امرار وامرار=هوليه ربى بدنيتى ماحواها
ياويل حالى يابدر طحت منهار=يوم الوداع اللى جرى من بكاها
تقول ياخلى ترى الوقت غدار=صعبه على فرقاك سودا سماها
اقول انا ياخل ارضى بماصار=وهون عليك الحال مما غشاها
هذى هى الدنيا على كل الادوار=ان ماصفت لك يوم صعبه رجاها
وياخل لك عندى مكانه ومقدار=وروحى على فرقاك تشكى ضماها
اعيش بالذكرى لياليك باكثار=ونفسى على لقياك دايم مناها
هذا الهوى ماهى فكاهات واهزار=دايم دروبه تتعب اللى مشاها
اما تقل مجنون حاله الياسار=والا كما الميت بروحه فداها
ولوف قلبى لوف دلون بالابيار=تللوه من بيره تعاقب ارشاها
تشكى دموعى لوعه الهم بأحسار=تعبت انا ياخوى كثرة شكاها
والخامسه فرقاك يانسل الاخيار=صعب على نفسى وروحى رماها
يانسل ليث صاطى واف الاشبار=اشكى عليك الحال مما دهاها