اليكم هذه الابيات وارجو ان تنال على رضاااااااااااااكم
ياشين وقتي بدونك وياثقل دمّه = من يوم قلت ارحلي الحزن خاواني
كني من الهم طفل مضيعٍ امّه = الله حسيبك مااحسبك تجفاني
من غبت عني ودمعي ياصعب لمّه = والشوق يمك يامرني وينهاني
يلعب بي الخوف لعبة دسه وغمّه = وادورك بالقلب والقاك وحداني
ان جيت يمي يطيح الحيل والهمّه =ويصيح دمعي والشعر والحاني
سمه ضياع الفكر وش ماتبي سمّه = بعدك مااميز القاصي من الداني
كانه دلع لك الله الحب بالذمّه = مر الطريق اللي جمعنا وتلقاني
وكانه وداع لك الله ماني مهتمّه = هي مسالة وقت وانساك وتنساني
ماني من اللي يجيه العلم ويخمّه = اعيش انا وقتي ان زان وان شاني
واصبر على المقسوم وان ذقت سمّه= وعلمي يجيك كان الموت ماجاني
وان كان المحبه بيننا منعدمّه =مابه رجا وقتك ترجيه وترجاني
وعشقا كساك من اسفلك للقمّه= يموت غيرك ماخذاه لوكان من كاني