سلملم الصراحة وآنه قاعدة اتمشى واقرأ بالمواضيع جت في بالي انزل قصة من تأليفي وعن جد ما ادري شنو بس راح اكتب وبشوف إلى وين بوصل >> ليش الأخت بمتاهة في مــرة من المراريت .. كنت توني مخلصة من مساعدة امي من شغل البيت بعد الدعوات اللي تلقيتها من صدر امي الوسيع قررت اني آخذ لي غفوة للراحـة وخـاصـة ان احنا بشهر رمضان وخبركم ما تظل ولا طبخة إلا وهي عالفطور .. المهم .. كنت نايمة وما اشوف إلا امي جاية وتبيني اروح اوزع الأكل .. يوووووه يمه لييييش جذي ليش ما تتصلين عليهم وهم يجون يآخذونه .. واستسلم للأمر الواقع والبس عباتي وعلى وجهي علامات النوم واوزع الأكل على الجيران وارجع وآنه نافخة وجهي وأهدد امي .. ترى اليوم آخر يوم اروح اوزع بكرة ابي انام .. وإذا تبين توزعين جيبي خدامة خلها تفتر بالحارة ترى والله تعبت .. >> قاعدة اتمسكن وامي راحت تتفكر بكلامي والظاهر انها اقتنعت وبالاجتماع الليلي .. مع امي وابوي واخواني وآنه .. >> ما عندي اخوات قررنا نجيب شغالة .. بس امي قالت بشرط .. قلت لها افااااا يمه آنه موافقة مقدماً بس اهم شي تجي تكفيييييين قالت لي انها تنام معاج بالغرفة وبما انج موافقة روحي رتبيها لأن بنجيبها بكرة .. لحظة يمه .. شنو بغرفتي آنه مستانسة ان ما عندي اخوات عشان آخذ راحتي وانتي تقولين لي معاي الشغالة يمممممممممه حرااااااااااااام .. امي مطنشتني وهي تقول خلاص احنا بنجيبها .. وآنه اللي اقوم والدموع بعيوني وانظف غرفتي وآنه اقول حرام تجي وحدة وتجلس فيها معاي .. امي .. يالله روانوه فضي دولاب من دواليبك عشان الشغالة يمممممممممه وثيابي وين اوديهم يووووه اشدراني دبري عمرك يــاربــي .. شسوي الحين افضي دولابي او لا .. وبعد عدة محاورات وتهديدات من امي قررت اني افضيه .. وآنه منقهرة عشان كل هذا اللي قاعد يصير من تحت راسي ... وتجي الخدامة في اليوم الثاني .. وابوي كان باستقبالها بالمطار واحنا في استقبالها بالبيت >> حشى وفد اميري على غفلة المهم .. وامي اللي تروح لها وتعرفها على عاداتنا وتعلمها اصول شغلها .. وتوريها مكان نومها .. طيب يا ميمي هنا بتنامين .. وآنه قاعدة اناظرها على جنب واشوفها تبتسم واحس ان وراها اجرام .. >> المهم .. من بعد ما جت هالشغالي ميمي .. تغير حااااالي بالليل ما تخليني اناااام من شخيرها .. او بعض الليالي ما اشوفها إلا جالسة تكلم لي اهلها اللي بأندونيسيا من خلال النت وتخلي اللمبة شغاله >> الشغالة ميمي متطورة بس صارت تفكني من شغل البيت وصارت توزع الأكل بدالي .. .. وآنه في هذي الأثناء ما اسمع إلا صوت امي في اذني وتقول لي وجع يوجع العدو يا روانوه انتي ما تشبعي من نوم القوايل يالله قومي وزعي الأكل على بيت الجيران ما افتح عيوني إلا وآنه كنت مآخذه قيلولة وكل هذا ما كان إلا كابوس واشكر ربي انه كان حلم .. ورحت وآنه ازوع الأكل وآنه على آخر انبســاطه .. ولا تصدقون ترى كل السالفة عباطة بس مجرد الترويح عن النفس >> دققوا في الجملة ترى متعوب عليها .. .. ما يستفاد من القصة .. لا تجيبون شغالات بشهر رمضان .. لا تنام وقت القوايل إلا وانت متأكد ان ما وراك أشغال ثانية .. إذا كنت وحيدة أمك ومدلل احمد ربــك القناعــة كــنــز لا يـفـنــى 8 8 8 وانتهت قصتها حفظها الله .. وتقبلوا مني كل التحية والتقدير .. روان .. ..