يانسمة الاشواق زفي له الورد =معطر ٍ با الشوق وازكى سلامي
قوليله اني اسعد الناس لو صد = يكفي خياله لحظة ٍ في منامي
قوليله اني اكوي الوجد با الوجد = واني على ذكراه تدفى عظامي
اثنينا يانسمة الشوق في نجد = وكنه علي ابعد من حدود شامي
هذاك طبعه لين العود والقد = الصد ميزه امنحته الوسامي
ياما على شانه قلبت الزعل ود = بيض النوايا اصبحتله زمامي
حبه تمكن فا المعاليق واشتد = ثم اعتلى فوق المشاعر وحامي
ان جيت ابا اخفي صادق الشوق والود = نبرة غلاهم تنجلي في كلامي
ماقول ان صوحبي ابيض الخد = اقول هو الي به الحب سامي
يانبع صافي احتظن نبعه العد = شربت منك ثم عودت ظامي
يابحر عشقي سلم الموج للمد = فيك اول المشوار واخر غرامي