[خلــــودالبراري]

[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
وشفيك ساكت .. والزعل في عيونك ..؟
ليه العتب في خاطرك ماحكى شي ..!!

:

مسكين ليلك ! يشتكـي مـن سكونـك
الصبح طاح وضيقتـك تخنـق الضـي

:

وشفيك !؟ ليه احساس قلبك يخونـك ؟!!
(( محبوبتك )) ياسيّد احزانها ... هِي !!

:

لا .. ماتغيّـر قلبـي اللـي يصونـك
لـو العـواذل رتّبـوا غيضهـم لــيْ

:

الـروح دربـك والمشاويـر كـونـك
العين \ بيتك .. و المسافات لـك حـيْ

:

اهيجـن همـوم السهـر مـن فنونـك
أصوّر احلامـك لحـن عايـش ٍ فِـيْ

:

ادري جنـونـي مايشـابـه جنـونـك
زايد خيالي عن خيالاتـك .. شـوي!!

:

اجبرت نفسي تنهـزم مـن ظنونـك !!
من طاوعك للنـار .. يتحمّـل الكْـي !

:

وشفيك ساكت ... ماحكتني عيونك..!!
ماعاتبتنـي دمعتـك والـوفـا حَــي

:

كيف السعاده مالهـا طعـم دونـك ..!؟
حتى المسا من غير وصلك .. ولاشـي
[/poet]