أحبتي ..
بعد غيابٍ طال عن هذا المنتدى المحبب إلى قلبي .. أعود إليكم
وأتمنى أن تغفروا لي ذنب الغياب أولاً ..
وأهديكم آخر ماجادت به القريحه .. متمنياً أن يرقى ماكتبت لأذواقكم
صلوا على النبي ..
*****
المشاعر هايمه يمّـك والانفاس مْــغًمـوره
............ يا الغنوج اللي سكنتي بـ( آخـر ) أركان الحنايا
والله انه يوم مر الطـرف مـ( اخطاني ) مروره
............ لين صحت وقلت عينك سهمها سـوّا سوايا
اعترضتي للخفوق/ وتاه .. مايعرف شعوره
............. واصطفقتي بالضلوع/ وضاعت اسرار النوايا
يابنيّـه.. طالبك/ صدّك طغى بالقلب جـــوره
............. لاعب(ن) فيني / ومهلكني / وكاويني كوايا
طالبك / قلبك عساه/ يخفف بحدّة غروره
............. يبتسم مــرّه ويشعل شـمعه بذيـك الزوايا
في كتاب الله .. من انواع الكُــفر واعظم أموره
............. قتل نفس بغير حق ... وحضرتك كلّك خطايا
قــاتله / ومضيّعه قلبي بــلا راي ومشوره
............ وتعرفين اني هلكت وصرت بـ( اعداد ) الضحايا
وش تبين اكثر من اللي خط لك حرف بسطوره
.............. وانطبع حرفك بكل ضلوعه العــوج الظــمايا
ووش تبين اكثر من اللي ساق لك نفس مْــغًمـوره
.............. موتها جـاهـا .. ولازال الهوى وسـط الحنايا
وسلامتكم