جامليني بالغلا لو في ثواني
عيشيني في وهم عشته سنين
اوهميني اخدعيني بالمعاني
خلي اللهفه على وجهك تبين
احسبيني بالهوى انسان ثاني
اعطفي مره علي لو تسمحين
يمكن انك تفهمي معنى حناني
والا انك تعرفي سر الحنين
لا يهمك لو تركتيني اعاني
من زمان وخافقي منك حزين
ما ابي منك انا اكثر من اماني
كلميني بالغلا لو كلمتين
اكذبي قولي لين قلبك هواني
لين مره في شعورك تكذبين
ادعي اني حبيبك لو ثواني
بعدها سوي في قلبي ما تبين