مشكور اخوي على هالموضوع وبـا أنه حساس ومهم راح اتكلم عنه..
ولا حد مغصوب على رأيي لاتسوو لي زحمه :D
اول شي اخوي ....
الموضوع اكبر مما تتصور ... الموضوع تقدر تقول تاريخي الى حد ما ... تفكير ومنطق مثل هذا اقصد الارهابيين نتج عن قل وعي من ناحية الحكومه وبنفس الوقت التوعيات الضاله اللي كانت تمارس في ظل عدم وعي الشباب ...
ان كان والله اعلم ان تنظيم القاعده بزعامة " اسامه بن لادن" فالموضوع راح يكون اكبر...
وش مشكلة بن لادن الرئيسيه؟؟ مشكلته طال عمرك دخول المشركين جزيرة العرب من ايام زمان واتوقع اذا قريت عن تاريخه راح تلقى نفس المشكله حوالي...
فـ هذي مشكله كبيره... فتوى الشيخ اسامه بالعكس تماما مع فتوى مشائخنا بالسعوديه من ناحية دخول المشركين...
هذي نبذه تاريخيه بسيطه بحكم قرائتي...
هالفئه اللي بدت قواها تظهر هالايام ( على فكره هالفئه من الناس موجوده من زمان بس كانت ضعيفه الى حد ما) اعتقادها قوي جداً اقصد ان خلافها مع الحكومه صار حوالي مثل ابن لادن او اكثر .. ابن لادن صحيح تكلم عن السعوديه والحكومه بس هالفئه تكفر الحكومه وبنفس الوقت تعتقد الخروج على ولي الامر واجب وانه جهاد !!!
لاحظ معي الخروج عليهم يعني جهاد!!!! شي صعب حله اذا ماكان مستحيل حله على الاقل في عشرات السنوات!! ماراح يكون اجتثاث هالفرقه بين شهور او سنه!! لازم وقت اطول وتوعيه اطول ومدروسه من الحكومه....
انا رأيي الشخصي .. المفروض الحكومه تتعامل بشفافيه اكثر لان الى الان ماعندنا الحريه بالنقد الهادف .. الكل مكبوت مايقدر يتكلم..! لو الحكومه من البدايه من ايام تفجيرات الخبر حاولت انها تفتح المجال للنقد بين الشعب والحكومه ومحاولة توعيتهم من البدايه قبل ان تنغرس الفكر الضاله بشكل قوي كان صارت هالفئه اقل من اللي نشوفه او معدومه!!!!
اما الحين مافيه حل الا القوه....! لانهم ماعاد ينفع معهم بحكم انهم تربو سنين طوال مع هالفكر الضال ....
ولا احب اشطح بالموضوع لكن مدام انفتح الارهاب خل نتكلم من نواحي ثانيه شوي وبشكل بسيط....
انا اعتقد " رأي" ان اللي صاير بالمملكه الان ماله اي علاقه بـ ابن لادن لان لو له اي علاقه راح يدلي بتصريح واضح ومباركه للاعمال اللي تصير الان.. وما اعتقد ان ابن لادن بخاف انه يتكلم .. لانه تكلم عننا من اول ونقد الدوله السعوديه .. ولانه بعد تكلم على امريكا وبارك التفجيرات اللي فيها ... فـ مدام هالاشياء تكلم عنها توقع انه راح يخاف او يصعب او بتجيه ضغوط من برى ؟؟؟ ماعتقد
مجرد رأي
وانشالله ربي يحفظ بلدنا من كل شر ويهدي هالفرقه الضاله
فمان الله...