ليت العمر يهدي ..أبهديك عمري
تستاهل الأيام يازهو الأيام
لو الهوى المحبوس في جوف صدري
يظهر على العالم غشى العالم هيام
فبني غرام فوق محمول صبري
وفيني خيال فوق تصوير الأحلام
صباحي أسرح لك وفي ليلي أسري
وإلى هجع فكري خفوق الهوى قام
والله مالي غير الأشواق عذر
واللي عرف الشوق المواليف مالام
يامن يبيع الصبر ياناس واشري
محتاج كل الصبرواصخي بالاقيام
يامالك امري وش نواياك بامري
ارحم خفوق عن هوى غيركم صام
حالي غدا مثل المساويك مبري
ياباري حالي ترى البعد ظلام
أدري بحالك وانت بالحال تدري
يالله عسى ذا العام أحسن من العام