[فهدالدوسري]

بايـــــبر أصابع يدينك مو سوى ... فيه شيبان معيشين زوجاتهم احسن من بعض الشباب .... علشان مانظلم أحد .. نعطي كل واحد حقه الحقيقه ليش البنت تبحث عن كبار السن .... الحقيقه أنا بحثت بالموضوع ولقيت بعض الاسباب .. البنت اللي تبحث عن كبار السن .. تبي الحنان الابوي وتبي الرجل اللي يكون قد المسؤليه .. وتبي رجال يكون لها هي وحدها مايفكر بوحده غيرها ويمكن بعضهن يفكرون بالماديات .. من حقهم أجل تبينها تعيش بالشوارع كيف بتربي عيالها على الفقر !! أنا ليش امدحهم هالكبار السن مع العلم اني شاب و(( اغار)) منهم هالكبار أنا ماألوم هالبنات .. لان أكثر الشباب مايهمه مسئوليه مايهمه شي أصلن هو يحتاج لمن يربيه ويكون مسئول عنه كيف يكون مسئول عن احد كيف يكون مسئول عن احد وخصوصاً زوجته وعياله !! الحقيقه وضعنا الاجتماعي سيئ . قلت الثقه وصارت كل بنت تتهرب من هالشباب إلى كبار السن . أكثر الشباب هداهم الله همه هو اللذه المؤقته واللهو مايبي يطول كثير الملل محب للقهاوي والكوره .. محب للتفحيط والكشخه .. وإذا صادف بنت وتعرف عليها أنجرف عليها بكل حب وشوق ولهفه ولما تطلب منه الزواج يتهرب .. اكثر هالشباب رغبته بالزواج تكون رسميه . يعني يتدخل أبوه وامه ويختاروله(( دلوع أهله )) هذا اللي حاصل ....... بس يا اختي بايـــبر بقول شي : الدنيا صحيح أنها تعلم الرجال المسؤليه مع الوقت وتعلمهم الوقار والحكمه زي مانشوفها بكبار السن .. علمتهم الدنيا والحياه ... بعدد أعمار السنين ! لكن فيه شباب أيضا علمتهم الدنيا بقسوه وخلتهم كبار سن بعقولهم وشباب بأعمارهم .. نعم هي تجارب الحياه الي ماترحم ... تعلم أيضاً شباب يكونوا يرعون أهلهم وذويهم .. شباب تحملوا عبئ ضيق العيش باول أعمارهم وخلتهم غصب يتحملوا صعاب هالحياه . شباب تركوا وقت الفراغ وللهوا حتى يجيبوا بسمه ورضى لوالدينهم وأحبابهم .. ماتتصورين بعضنا أحنا يالشباب تعبنا من هموم هالدنيا اللي ماترحم خلتنا نشوف شيب روسنا تبيض من كثر مانشيل هموم غيرنا كيف لو همومنا أهلنا وناسنا وأحبابنا ولقمة العيش وهموم هالزمان .. اي نعم علمتنا هالدنيا كيف نحكم عقولنا ونهمتم باللي حولنا .. أحب أقولج أن كل من تزوجت رجل كبير بالسن خلاص بدأت حياتها وجاها اللي تتمناه كل بنت ... الزواج وطفل صغير تملي فيه حياتها ... بس البنت اللي رفضت تتزوج وصارت على هواها متى راح تتزوج .. كثير قصص نسمعها عن بنات انتهت حياتهم بغدر وخيانه من شاب وثقت هذه البنت فيه وواعدها بالزواج ولكنه لم ينفذ ماوعده .. وبالاخر ( طاح الفاس بالراس) من راح يقبل بالبنت بعد ماراح شرفها حتى كبار السن ماراح يقبلونها ....... هذا هو اللي حاصل بمجتعنا للاسف ....... كثير شباب صارو ا عاله على غيرهم من الشباب كل شي يسوونه واي فعل بذيئ سووه قالوا الشباب والشباب ..... حتى انا أكره احد يقولي انت شاب ................ المسأله تحتاج إلى إبداء رأي من الجنسين بكل صراحه وياليت معنا كبار السن يشاركونا ارائهم ( بس مو حاصل ) أشكرك بايـــــبر على موضوعك الجيد وعسى ربي يوفقك ...