عليكم من الله كل سلام وتحيه:
اولا.....عتابي عليك كبير يالفارس
ثانيا....كلامي اوجهه للكل...كبار...صغار...اولاد...بنات
اعرفكم بنفسي
انا........بدر....صاحب الفارس...واللي اشوفه مستنجد فيكم...وانتوا ماقصرتوا...
فيه اشياء كثيره في هذا الموضوع خافيه....موعليكم بس...وعلى الفارس...برضه..
وعلشان تكونوا كلكم في الصوره...لازم اشرح بعض التفاصيل...
ممكن يجي احد ويقول الفارس واد فاضي... وما عنده شغله..وعلى اساس كذا حط الموضوع هذا
شهادتي في الفارس...مجروحه...وبشكل عجيب....لكن الله عطاه طيبة
قلب ماشفتها في مخلوق واللي كانت تجيبله المشاكل..بل المصائب
اللي ما تتصدق...لكن كان الله يسهل مواضيعه....القصد...ان الفارس ما
كتب الموضوع هذا ومع انه حساس الا لانه ما يحب يعيش وفي احد
كاره له...وانا هنا ما اسوي دعايه لصاحبي...لان الكل زي كذا..
وعلشان تكونوا في الصوره....
انا انسان طبعي عجيب....كيف....انا ولله الحمد معارفي واصحابي كثر
وبشكل غريب...فيهم الصغير والكبير...العاقل وعكسه...من كل نوع..
لكن وهنا المشكله....علشان تكون قريب مني واكون قريب منك يبيلك مده ماهي بسيطه وعلشان اعطيك سري...يبيلك تسوي معجزه
انا انسان اختبر اصحابي...طبعا بدون علمهم...بالكلام...بالافعال...و حتى بمواقف صعبه كنت اصطنعها...وعلى هذا الاساس كنت ارتب اصحابي...
وعلى قولة القايل...تتعرف على الف..تسولف مع ميه...تضحك مع خمسين...تمشي مع عشره..ومجموعتك الخاصه خمسه
لكن
تعطي سرك واحد..واللي كان صاحبكم الفارس
انا للحين ما قلتلكم طبعي العجيب...واللي هو
كلما كنت قريب مني اكثر..وانا منك قريب...كل ما كان خطاك عندي كبير
يعني لو يجي واحد ويغلط علي..ممكن امشيه...لكن لو تكون انت...ابدا ما امشيه لك ...لانك وصلت مرحله تعرف اللي يزعلني واللي يرضيني..
فيكون عتبي عليك كبير...
والمشكله اللي ما لقيت لها حل الى الان...وبصراحه متعبتني وهي
اني ما ارضى احد يغلط علي باي شكل...واذا حصل كنت ارد الغلط باقوى منه...
لكن اللي خافي عليكم وعلى الفارس وقتها...انه لما احد يغلط علي..وان ما اقدر اسوي له شيء او ارد عليه...كنت اتعب ...بداية بضيق تنفس وينتهي بالاغماء..
يمكن تقولون.....ليش هذا كله...الكلام هذا ما منه فائده...يعني ليش تقوله...
انا اقولكم...
حصل في يوم انه صار بيني وبين صاحبي الفارس موقف غبي...
والخطأ في هذا الموقف كان على الفارس(واللي كان علي نياته)..يعني غلط علي غلط كبير وما يغتفر وهو مايقصد..
ولاني ناشئ في بيئه نحسب للكلمه قبل ما تطلع الف حساب والحركه قبل ما تصير الف حساب برضه..
ما قدرت امشي حركة الفارس واللي كانت في نظري فيها نوع من الذل..الا هي الذل بعينه... واللي كانت في نظر الفارس حركه عاديه...
(ورب النعمه...اموت وما انسى حركته ابدا)
ما قدرت اتحمل الحركه...وفي نفس الوقت ما قدرت ارد غلط الفارس عليه لانه عندي غالي...
يعني تخيلوا الوضع...انتى ما ترضى الغلط فما بالك بالذل واذا احد غلط عليك...تموت وترد غلطه عليه...لكن المره هذي اللي غلط عليك واهانك انسان غالي...
ومن هنا بدء كره الانسانه المقصوده بالموضوع لصاحبي الفارس(واللي وقتها ما كان على باله اي شيء...يعني ما كأنه غلط)
حسيت بقهر كبير..واحد يغلط علي وما اقدر ارد عليه...تعبت...ومرضت...وتنومت في المستشفى...والفارس وقتها ما يدري او يمكن الى الان ما يدري...ولا على باله...
تبدلت نظرتي للفارس...واللي كان في يوم اعز مخلوق وفي يوم ثاني وبحركه غبيه...اكره كريه...
وطبعا زوجتي ومن خوفها ومحبتها لي...ومن اللي تشوفه من الفارس...كرهته كره لو يوزع كفى العالم كله..وهو ماهو كره بقدر ماهو حب لي...
لانها تشوفه مؤثر علي وتنومت بسببه وهو ولا داري...
قطعت فيه...وتركته لمدة اسبوع...واللي كانت عندي سنين...
الا ان جاء واعتذر...وتصالحنا...واللي كانت اول مره اقبل فيها صلح مع احد...
اختصار الموضوع...
الانسانه هذي تحب الفارس لحبي له وتكره لكرهي له..وهذا كل الموضوع....
لكن وزي ما الكل يعرف...المرأه حساسه وصعب انها تنسى..
بعد هذا كله...ما يبيها تكرهه...والله صعبه...تقدر تجبر الناس على اي شيء الا الحب والكره...
وصراحه فيكم اللي تعجل في حكمه...وفيه اللي كان رده عاقل...
الحين انا تارك الموضوع بين ايديكم......
....انتوا القضاه...
والله يوفق الجميع