هي الاشواق لك وحدك ولا ادري ليه مجنونه
_________ تجي قبل الزعل بعد الزعل لاباس ياناسي
زعلنا وافترقنا والسماء مليان بمزونه
_________ رعد برق ومطر كان السفر ميعادنا القاسي
وعاتبتك ولاشك العتب ماظن ترجونه
_________ لذا كان العتب فكره تلاشت وابتدأ يأسي
وقلت انسى عساي انسى عذاب القلب وطعونه
_________ حلفت انسى لقيت اني افكر بك وانا ناسي
دريت انك هوى عمري لو ان الروح محزونه
_________ دريت انك عذابي والحنين وكل هوجاسي
وصرت اكتب لجل حبك رسالة شوق مشجونه
_________ رساله والعتب فيها حبيبي يابعد ناسي
لك الله ماعرف معنى السفر في داخل اظنونه
_________ سوى طير فقد سربه وقلب هام في قاسي
كفى تقسى على قلب عزف لك صادق الحونه
_________ يشوفك في جميع الناس بالشمعات في كاسي
احبك من متى مدري قبل ماالحب يطرونه
_________ قبل ماتنخلق حواء رسمتك قبلة احساسي
واحبك لامتى مدري الين الكون ينهونه
_________ يجوز اكثر هواك اكثر مداك اكبر من اقياسي
هو الشي الاكيد اني معي لك روح مفتونه
_________ تبيك انت وتبي حبك وابيك الى اخر انفاسي
(((((((((((( بدر الحزين )))))