( يا ليتهم يؤثرون علينا بأشياء مفيدة مثل صناعة الأسلحة المتقدمة الفتاكة والني مصادر هذه الصناعات نحن من نوفرها لهم حتى يحاربننا بها )
والله يا اخت مناير ان هالجملة بالحيل اعجبتني ... يسلم لسان اللي قالها وكتب الموضوع ونقله ...
لكن في رأيي ان مسألة تقليد الغرب في اللبس وقصات الشعر والخرابيط الثانية ... هي مسألة لها أسباب متشعبة كثيرة مالها حصر .. لكن من اهمها واولها هو النقص اللي نشعر فيه للأسف نتيجة الكثر من الاسباب زي الاشياء اللي تفرضها حكوماتنا على شعوبنا العربية والمسلمة وغيرها من الاسباب الاخرى .
ثانيها الاستعمار العقلي للغرب على عقول المسلمين والعرب للاسف .. نتيجة الاعلام المخطط على المدى الطويل واللي نفتقر لشئ مثله ويبغالنا مئة سنة عشان نستعمر عقولهم بدون الاعلام الصحيح والقوي !!
لكن حبيت اضيف اضافة في جانب اللغة والتلكم باللغة الانجليزية ... فلاحظت شئ في إيران !! قلة اللي تلاقيهم يتكلمون انجليزي !!! مقارنة بعدد الشعب الايراني ... فلهم اعتزاز بلغتهم غريب .. غريب جداً جداً !!! لكن في النهاية بدت ظاهرة التقليد الغربي تظهر مؤخراً نتيجة عدد من الاسباب ، صعب شرحها وطويلة جداً لكن من اهمها انفتاح الشعب على العالم في الفترة الاخيرة .... اللي ابي اقوله هو كالتالي :
عرفنا ان دايماً صاحب الحاجة يسوي المستحيل عشان يرضي اللي عنده الحاجة هاذي ... ولكن الغريب اننا نبيع البترول ويحتاجنا العالم الغربي ، لكننا ما نفرض عليهم تعلم اللغة العربية ومخاطبتنا بها خلال التعاملات في مجال الشراء والبيع بالترول ... مهو صعب ابداً انهم يفتحون معاهد وغيره لتعلم اللغة العربية !! يعني احنا نتعلم لغتهم ونفهمها ومع ذلك في نظرهم اغبى منهم بكثير ... طيب الاذكياء هذولي ( في نظرهم ) ليش ما يتعلمون لغتنا لانهم في حاجة لنا ؟؟؟!!!! لاننا فعلاً اغبياء في نظري !! مع احترامي الشديد ...
طولت وما ابي اطول ... عموما يجب ان يكون لكل مشكلة مطروحة حل واضح .. وانا عارف ان كلامي كله عام ومافيه اي حل للواقع المر ... لكن انا اسف ... لاني فعلا ما عندي حل لهالمشكلة !!!
ومشكورة اختي مناير على هالموضوع الجاد جداً والحساس !!!