الالف:ابي فلوس بروح معزومة على شاي ضحى
الباء: بكرا ابيك تودين لبيت اهلي عندهم عزيمه
التاء: ترى اليوم انا ماني مسويه عشاء روح للمطعم جيب عشاء
الثاء: ثلاث اسابيع ماطلعنا للملاهي يالله ودنا اليوم
الجيم: جيب خدامه تساعدني بشغل البيت.....(والبيت نص شقه)
الحاء: حبيبي ودي بساعة شوبارد مليت من ساعتي الاوميغا(شوفوا النفاق توها تذكرت الاسم)
الخاء:خل الشله اليوم انا عازمتك نتعشى بره بس على حسابك
الدال:دورلنا فله على ثلاث شوارع وفيها سرداب(الراتب2500ريال من وين ياحسره)
الذال:ذيك السنه(قبل10سنوات)قلت لك اشتر لنا سيارة فان اوسع وماشريت
الراء:روح قدم اجازه خلنا نسافرلاوروبا,,,اووف حر
الشين:شيل ولدك شفه يصيح هناك انا تعبت من العيال
السين:سو للبيت حديقه كشخه حط فيها نافورة انزين
الصاد:صفف الملابس هناك منثره مليت وانا القط وراك
الضاد:ضبط اوضاعك ترى كبرت المسؤوليه(توها والدة)
طاء:طالع السيارة سكراب تفشل قديمه نبي شبح
الظاد:الظاهر انك ماتحبني ليش ماشريت لي عقد الالماس اللي بغيته (حب بالالماس بس)
النون:نبي نحجز شاليه شرم الشيخ طول الصيف لاتنسى
الهاء:ها عاد ترى اروح بيت اهلي اذا مو قد الزواج وتكاليفه ليش تخطبني؟؟؟؟؟
الواو:ورني شطارتك رح عند اخوك خذ منه الورث(راعية مشاكل)
اللام: لازمتحقق مطالبي اول بعدين ارد لك
الكاف: كافي كلام كسرت خاطري راح اردلك بس بشرط
الياء: يالله ايدك على 20000 ريال رضاوه
*********************
منقوووووووووووووووووووووووول