مسموح ياللي مابعد هزك الشوق
....................................من شافتك عيني وقلبي لك اشتاق
بالحيل ماغيرك هوى القلب مخلوق
........................................ولا لغيرك دمعـه العين تنســـــاق
انت الحبيب اللي على السد ماثوق
.......................................مثلك يسليني إلى خاطري ضـاق
يالله عساني فيك مانيب مسبوق
.........................................دنيا غريبه كلها وصـل وافــــراق
قلبي معك ياجامع الزين مسروق
......................................ليتك ترده يالغضي وسط الاعماق
ماتدري ان الحب ينفع به الذوق
.....................................لاشــك مانته من عديمين الاذواق
قلبي يحبك والرجا فيك من فوق
...............................اللي خلقني ومرسل شمس الاسراق
ماتدري انه كل مطرود ملحوق
.....................................حرام تجبرني على كشف الاوراق
صبرت عنك وبالامل صابني عوق
..................................وماغيرك بعيني من اهل الهوى لاق