_الله خلقني كذا اموت واحيابك
سته وعشرين عام راح من عمري
_أفرش عيونك وطن واتلحف أهدابك
طفل أحب العبث وأنام من بدري..
_مليت أردد لنفسي:طول غيابك
أخاف يجرح لساني حبك العذري..
_من كثر ماأتذكرك وشفاي تغتابك
صرت أذكر أسمك بقلبي واطعن فــ صدري
_ابكي..واقول بصراحه مش من أسبابك
متعود ابكي على هالحال من صغري..!!
_كيف اشهقك وازفرك وأهدي أعصابك
لين أنفخ الروح في ضحكاتك وشعري
_امر فـــــ الشارع اللي يوصل لبابك
أتخيل اني وصلت وماوصل عذري
_وأمشي على اثار رجلك وألمس ترابك
واقوم..لكن يرد وينحني ظهري.....!!
_ليه الشجر من ورى هــ السور متشابك؟؟؟
كيف أقدر المح نوافذ غرفتك وأجري!!
_وأطل مره..عشان اطالع ألعابك!!!!!!!
بتشبث بأي شي وماحد يدري.....!!
_أتخيل اني لمست بكفي اثيابك....
وأشم في راحة يدي عطرك المغري!!
_وأرجع بنفس الطريق اسابق أعتابك
يتساقط الشيب من راسي ومن قهري
_سته وعشرين عام راح من عمري
والحين ,,توك سألت الحين كم عمري؟؟؟!!!
اكيـــــــــــــــــــــــــد اعجبتكم مثل مااعجبتني!!
والا؟؟؟؟!!