اختي وجدان الدوحة ... ودي ادلي بدلوي في هالموضوع ...
اولا ... انا عمري ما شفت ولا قابلت واحد من البدون هذولي ... يعني بكل صراحة ما راح احس بمعناتهم ابداً مهما تكلمت ومهما قلت..لكن ما يمنع اني اقول رأيي !!
ثانيا ... الدول الخليجية حسب علمي الكثير والكثير فيها من اصحاب البدون .. واللي يزيدون ويتكاثرون يوم بعد يوم .. وتكبر مشكلتهم ومشكلة الحكومات الخليجية معاهم بدون ما يحسون ..
الدول الخليجية في رأيي مثلها مثل باقي الدول العربية ... اللي ما تفكر في المشكلة الا لما تتفاقم بشكل ملفت للأنظار وتبدا تظهر المشاكل على مختلف الاصعدة الاجتماعية والاقتصادية والسياسية !!!
اختي موضوعك ما طرحتيه عشان نقول ترا فيه مشكلة بوجود البدون ... لكن طرحتيه علشان نجيب الحل لهم .. ولمشكلتهم اللي اهي الان واقع مر ...
الناس اللي يسمون بدون في الدول الخليجية ... في رأيي ... لو استمرت المعاملة معاهم من قبل الحكومات والشعوب الخليجية بالطريقة هاذي ... رايحيين يكونون عالة على هالبلاد ... ويمكن يتحولون إلى حاقدين على البلدان اللي عايشيين فيها فقط بالاسم بس بدون هوية !!! ويمكن يوصل الحقد هذا ويتطور الى اشياء كبيرة جداً يندم عليها بعدين وتكون نتائجها وخيمة !!!
الحل في نظري ... مدامهم عايشين اباً عن جد في الدول الخليجية وولدوا فيها وتربوا فيها ... وش اللي يمنع حكوماتنا ما تعطف عليهم وتحاول تبذر وتنمي فيهم حب الوطن والجنسية اللي ينتمون لها او على الاقل ينمون الحس هذا في اجيالهم القادمة ويمنحون الجنسية ويخلونهم يتمتعون بمزايا المواطن العادي ... حالهم حال باقي المجتمع ... اذا كانوا البدون هذولي اصلا عايشين وماكلين وشاربين في الدولة نفسها مثلهم مثل باقي الخليجيين سواء معاهم جنسية ولا ما معاهم ... ونضمنهم في باقي الامور الاخرى ... ولا نولد اجيال حاقدة علينا وعايشة معانا في نفس مجتمعنا ... فالشر اللي رايح يجي منهم ( اذا جاء منهم شر ، واذا جاء منهم شر ما راح يجي الا بسبب معاملتهم المهمشة هاذي ) فالشر اللي رايح يجي منهم رايح تكون نتائجه اخطر واكبر مما نتخيل !!!!!!!! مع ضرورة فرض قوانين صارمة وواقعية تمنع ظهور هالظاهرة مرة اخرى .
وللأمانة ... انا اشوف ناس كثير من الجنسيات الثانية اللي مهي سعودية ... عايشة معانا في السعودية من اكثر من خمسين سنة !!! ويكنون لسعودية محبة واخلاص زيهم زي اي سعودي !!
ارجوا اني ما طولت عليكم ... وهذا كان مجرد رأي بس !!!