بسم الله الرحمن الرحيم
اخواني مشرفين واعضاء منتديات الود
اسمحوا لي اخواني ان اشارككم في هذا المنتدى الاكثر من رائع
وذلك بقصيده اتمنى ان تنال اعجابكم ورضاكم
حيرتني واحترت وشـهي نوايـاك &&& كل مانسيتك جيت تعلـن خضوعـك
عجزت لفهم بالهـوى كيـف مبـداك &&& طبعك غريب ونادر الناس نوعـك
مرة تجيني قاطــــع حـدود دنيـاك &&& تسبق معاذير البطاء لـي دموعـك
في لهفة ٍ منها الوله جـاوز إخطـاك &&& وكن الغلا مستل سيفـه يلوعـك
ومرة احس ان الغلا من بقاياك &&& ما ضمته بين الحنايـا ضلوعـك
صار الغياب اليـوم ابـرز مزايـاك &&& واول غيابك ما يكمّل سبوعـك
قلي بربـك ريّح البـال وش جـاك &&& لا تنطفي بالحب آخـر شموعـك
عطني عهودك بالوفاء هـات يمنـاك &&& واللي بغيتـه بالمعاليـق طوعـك
رهنت شوقي بايع الناس لرضـاك &&& وانهد حيلي من غرايب طبوعـك
ابيك تبقـى داخـل العيـن ترعـاك &&& لوطحت يصعب فالمحبه طلوعـك
مليت صبري اشتكي منك وانهـاك &&& يالله عسى ما صابني ما يروعـك
هذي حروفي نزفها من سوايـاك &&& ترجمتها باحساس ياصل سموعـك
اخاف يـوم ٍ مايجـي فيـه طريـاك &&& وإن جيت ترجع ما يسّرك رجوعك
وسلامتكم...
تحياتي للجميع
اخوكم
لعيوونك
لمواصلة عبر الايميل والماسنجر
revo21@hotmail.com