[دموع الثلج]

إهداء إلى almhmomhf

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=" glow(color=limegreen,strength=5)"]
وش حيلتي مادام حظي عصاني = أصبحت عاجز حاير في مكاني
وخدي بدمع العين يا ما كويته = هذا القدر مكتوب والعمر فاني
لكن أمانه كان موتي لفاني = قبري تحطونه على باب بيته
يمكن إلى شافه بلحظة بكاني = والا ترد الروح في نفس ميته
...........
كم حبيب عن حبيبه تخلا = هذا نسى حبه وهذا مفارق
ولا أنت حبك بالضماير تولا = وأخذ على قلبي عهود ووثايق
واستبشر الخاطر بحبك وهلا = بشرى السجين بيوم فك الغلايق
سوالفك من سمعها ما يملا = ينسى العنا والهم لو كان ضايق
...........
باقي على عهد الوفاء ما أقدر أنساك = خويك اللي لاقفوا الناس جالك
مثلي مثل خاتم تحطه بيمناك = وتحركه وشلون ماهو صفالك
صدقني أنك لو تبي قلبي يفداك = أقولها من جد قلبي حلالك
.........
لحظه من عمري معاكم = تسوى عندي كل شي
ماهو مني من غلاكم = أغلى من روحي علي
لو تغيبوا عن حياتي = ينشغل بالي عليكم
ساهر بليلي أحاتي = قلبي ذابحني يـبيكم
حبكم داخل فؤادي = ما بقاله أي محل
والغلا لا ماهو عادي = حبكم ماهو سهل
يا بعد عمر المحبه = والسعاده والهنا
وانتو أغلى من أحبه = يا بعد عمري أنا
منكم شفت السعاده = وكل احساس جميل
وانا قلبي من وداده = دوم لأحبابه يميل
لو طلبتو نور عيني = فدوه لعيون الحبايب
وأجمل أيامي وسنيني = للي فيهم قلبي ذايب
.. .. .. .. .. .. .. .. .. .. .. ..

تطمن ما أحب الا عيونك = لأني شفت بعيونك حياتي
أمووت بغيرتك و أعشق جنونك = و أحب بنظرتي لأقرا غلاتي
متى تمطر على قلبي مزونك = وتحقق بلقياك أمنياتك
[/poet]